Праваабаронца спраўдзіў, ці можна атрымаць харчовую дапамогу ад Чырвонага Крыжа
Віцебскі праваабаронца інвалід 2-й групы Валер Місьнікаў паспрабаваў атрымаць дапамогу ад Чырвонага Крыжа. Не адразу, але атрымалася. “Чырвоны Крыж можа дапамагчы нават з харчамі, але толькі тым, хто ведае пра такую магчымасьць, хто валодае інфармацыяй…” – кажа Місьнікаў.
Пацярпелы ў аварыі віцябчук мае намер судзіцца з ФСАН
Былы прадпрымальнік Андрэй Відарэнка летась у выніку дарожна-транспартнага здарэньня на тэрыторыі Ўкраіны стаў інвалідам. Сем месяцаў доўжылася лекаваньне і рэабілітацыя, але ў атрыманьні кампэнсацыі па лістках непрацаздольнасьці Фонд сацыяльнай абароны насельніцтва (ФСАН) пацярпеламу адмовіў.
Абласны суд не падтрымаў змаганьне віцебскага праваабаронцы супраць псыхіятраў
30 жніўня судовая калегія па грамадзянскіх справах Віцебскага абласнога суду ў складзе судзьдзяў Аляксандра Федзюкевіча, Ніны Сазонавай і Натальлі Лях разгледзела скаргу Валера Місьнікава на рашэньне суду Кастрычніцкага раёну гораду Віцебску ад 23 ліпеня. Справа тычылася пазову праваабаронцы да службовых асобаў Віцебскага абласнога клінічнага цэнтру псыхіятрыі і наркалёгіі (ВАКЦПіН).
Не атрымаў даведку пра стан здароўя ад мэдыкаў – падаў на іх у суд. Пакуль бяз выніку
Са скаргай на неправамерныя дзеяньні службовых асоб у суд Кастрычніцкага раёну зьвярнуўся праваабаронца Валер Місьнікаў. Пазоўнік прасіў аднавіць яго правы і законныя інтарэсы, парушаныя мэдыкамі Віцебскага абласнога клінічнага цэнтру псыхіятрыі і наркалёгіі (ВАКЦПіН). Аднак пасьля шэрагу паседжаньняў судзьдзя Алеся Жарыкава 23 ліпеня вынесла пастанову: у задавальненьні пазову адмовіць.
Сьведка па справе прафсаюзу РЭП: На якой падставе мяне падазраюць у нядобрапрыстойнасьці?
Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.
Віцебскі абласны суд пачуў аргумэнты праваабаронцы. Але ня ўсе...
Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.
КПЧ прызнаў абгрунтаванай скаргу віцебскага праваабаронцы
Камітэт ААН па правох чалавека палічыў, што беларуская дзяржава забаронай на правядзеньне пікету парушыла правы Валера Місьнікава на распаўсюджваньне ўсялякага кшталту інфармацыі і ідэяў. Згодна з рашэньнем Камітэту, Беларусь павінна перагледзець сваё заканадаўства і выплаціць віцебскаму праваабаронцу кампэнсацыю.
Адміністрацыйнае рэха прэзыдэнцкіх выбараў (абноўлена)
Напрыканцы мінулага году начальнікам аддзелу аховы правапарадку і прафіляктыкі АУС адміністрацыі Чыгуначнага раёну Віцебску маёрам міліцыі Аляксандрам Рыбаковым была спыненая вытворчасьць па адміністрацыйнай справе ў дачыненьні да праваабаронцы Валера Місьнікава. Прычына такога рашэньня – адсутнасьць у дзеяньнях грамадзянскага актывіста складу адміністрацыйнага правапарушэньня.
Суд вызваліў праваабаронцу ад прымусовага лекаваньня
Як стала вядома, яшчэ пры канцы траўня судзьдзя суду Кастрычніцкага раёну Віцебску Тацьцяна Жураўкова вынесла пастанову аб спыненьні прымусовых мер бясьпекі і лекаваньня ў дачыненьні да віцебскага праваабаронцы Валера Місьнікава. Такога рашэньня суду праваабаронца дамагаўся больш за шэсьць гадоў.
Пэнсіянэр-праваабаронца просіць абароны ў пракурора
Віцебскі пэнсіянэр Валер Місьнікаў зьвярнуўся да пракурора Віцебску з заявай аб правядзеньні праверкі і прыняцьці неабходных мер для прыцягненьня да адказнасьці работнікаў Тэрытарыяльнага цэнтру сацыяльнага абслугоўваньня насельніцтва Першамайскага раёну Віцебску. На думку сп. Місьнікава , работнікі гэтай установы на працягу трох гадоў наўмысна выдаюць яму недакладную інфармацыю пра яго матэрыяльна-бытавое становішча.