Дзяржорган заступіўся за прафсаюзнага лідэра і гатовы аштрафаваць «Шкловалакно» на $5000
Аддзел прымусовага выкананьня судовых рашэньняў папярэдзіў ААТ «Полацак-Шкловалакно», што яно падвергнецца штрафу, калі працягне перашкаджаць старшыню мясцовай суполкі Свабоднага прафсаюзу наведваць цэхі.
Актывіста Ігара Грышанава пакаралі штрафам у 5 базавых велічынь за «абразу» старшыні сельскага выканкаму
Паводле судовых матэрыялаў, канфлікт паміж бакамі пачаўся 22 ліпеня, калі старшыня Бабініцкага сельвыканкаму (Аршанскі раён) Марына Мацьвеева прыехала ў вёску Стаўры разам з двума сваімі падначаленымі. Далей паказаньні бакоў разыходзяцца.
Полацкі раён: Дэпутата прыцягнулі да адказнасьці
Дэпутата Мікалая Качаноўскага прыцягнулі да дысцыплінарнай і адміністрацыйнай адказнасьці за несвоечасовы адказ на зварот выбаршчыка. Качаноўскі зьяўляецца былым дырэктарам ААТ «Полацак-Шкловалакно». Пасьля звальненьня ён працягвае выконваць абавязкі дэпутата двух саветаў: Полацкага раённага і Віцебскага абласнога.
Наваполацкі актывіст аштрафаваны на 7,5 мільёнаў рублёў (відэа)
Наваполацкі суд 28 жніўня вынес рашэньне аштрафаваць грамадзянскага актывіста Яўгена Парчынскага. Памер штрафу склаў 7,5 мільёна рублёў. Суд прызнаў актывіста вінаватым у дапамозе работнікам заводу «Палімір» у атрыманьні фальшывых позваў у міліцыю, якія мусілі апраўдаць факт іх адсутнасьці на працы. Пракуратура спрабавала прыпісаць актывісту яшчэ шэраг парушэньняў закону, такіх як махлярства і падбухторваньне да дачы хабару, але ў судзе такія дзеяньні не знайшлі пацьверджаньня.
Жыхарку Віцебску, якая ніколі ня мела аўтамабіля, аштрафавалі за перавышэньне хуткасьці
У рэдакцыю сайту belnovosti.by прыйшоў ліст ад жыхаркі Віцебску Івановай Валянціны Віктараўны, якая сутыкнулася зь бязьмежжам з боку супрацоўнікаў Дзяржаўтаінспэкцыі. Паводле слоў жанчыны, месяц таму яна атрымала пастанову ДАІ Менску аб прыцягненьні яе да штрафу за перавышэньне хуткасьці на аўтамабілі. Пры гэтым, як піша чытачка, машыны яна ніколі ня мела, і рэгістрацыі нікому не давала.
Віцебскі абласны суд не задаволіў скаргу Георгія Станкевіча
Настаўнік зь Бешанковічаў, паэт і бард Георгі Станкевіч хацеў аспрэчыць рашэньне раённага суду. 3 красавіка яго аштрафавалі на 7 з паловай мільёнаў рублёў (50 базавых велічынь) за выраб і распаўсюд газэты “Крывінка”, якая выдаецца на ўласныя сродкі заснавальніка.
Віцебскі абласны суд ня стаў публічна разглядаць справу Георгія Станкевіча
Настаўнік зь Бешанковічаў, паэт і бард Георгі Станкевіч падаў касацыйную скаргу на рашэньне раённага суду, які 3 красавіка аштрафаваў яго на 50 базавых велічынь за выраб і распаўсюд газэты “Крывінка”, якая выдаецца на ўласныя сродкі заснавальніка. Аднак сам Станкевіч ня змог прыехаць на разгляд скаргі. Судзьдзя Сьвятлана Іванова праігнаравала тую акалічнасьць, што ў судовай залі сабраліся неабыякавая да выніку людзі, віцебскія праваабаронцы, і ня стала разглядаць справу публічна.
Ня ў меру штраф – ня ў меру паклёп
18 красавіка судзьдзя Кастрычніцкага раёну Віцебску Яўген Буруноў, разгледзеўшы справу Паўла Тулубенскага, вынес пастанову аб пакараньні яго штрафам. Згодна з рашэньнем, сп. Тулубенскi павінен будзе заплаціць дзяржаве 3 млн. рублёў за тое, што ён нібыта распаўсюджваў паклёпніцкія выдумкі ў дачыненьні да дырэктара таварыства з дадатковай адказнасьцю «Навукова-вытворчае прадпрыемства “Мера”» Сяргея Літвінчука.
На Віцебшчыне штрафуюць вінаватых у затрымках выплаты заробкаў
Толькі за першы квартал бягучага году на Віцебшчыне за несвоечасовую выплату заработнай платы пакараныя 179 юрыдычных і 172 службовыя асобы. Паводле інфармацыі КДК вобласьці, агульная сума штрафаў, спагнаных зь вінаваўцаў “пратэрміновак”, - каля 300 мільёнаў рублёў.
Алена Каваленка пакараная штрафам у памеры 20 базавых велічынь
Гэткае пакараньне прысудзілі віцебскай актывістцы за пікет супраць удзелу ва ўжо мінулых мясцовых выбарах, які адбыўся 22 сакавіка ў Віцебску. Працэс у Першамайскім райсудзе працягваўся менш за паўгадзіны.