Талачынскі суд аштрафаваў за «распаўсюд экстрэмізму» шматдзетную маці з Талачына
Вінаватай паводле ч.2 арт.19.11 КаАП прызналі Вольгу Кубарскую, маці чацьвярых дзяцей. На яе старонцы ў сацыяльнай сетцы міліцыянты знайшли рэпосты з адной з суполак, прызнаных у Беларуси экстрэмісцкімі. Суддзя Алеся Саян пакарала жанчыну штрафам у памеры 1110 рублёў. Таксама суд пастанавіў канфіскаваць тэлефон Кубарскай.
Падпіскамі і лайкамі ў “Вконтакте” дэстабілізаваў грамадска-палітычную абстаноўку ў грамадстве і дзяржаве.
Чашніцкі суд у асобе суддзі А.С. Смірновай прысудзіў былому прадпрымальніку, цяпер беспрацоўнаму, Уладзіміру Бакурыну 15 сутак арышту за падпіскі на так званыя экстрэмісцкія групы ў сацыяльнай сетцы “Вконтакте” і лайкі на іх матэрыялы.
У браслаўскіх уладаў не хапае грошай на добраўпарадкаванне
Таму мясцовым прыватным арганізацыям і прадпрымальнікам даводзіцца выдзяляць на гэта свае сродкі. Пры гэтым старшыня Браслаўскага райвыканкама Вячаслаў Грышчанка заяўляе, што дзяржаўна-прыватнае партнёрства можа быць эфектыўным інструментам добраўпарадкавання і навядзення парадку на зямлі. Пра гэта піша сайт мясцовай раёнкі braslav-star.by.
Былую палітзняволеную Ірыну Пярцову аштрафавалі па адміністрацыйнай справе
Ірына Пярцова – адна з удзельніц палітычных перфомансаў, за якія 20 траўня 2022г. былі асуджаны чацвёра жыхароў Віцебска. Усе яны атрымалі розны тэрмін зняволення, Ірына Пярцова – найменшы. Суддзя Віцебскага раённага суду Міхаіл Зубеня прызнаў жанчыну вінаватай паводле ч. 2 арт. 339 Крымінальнага кодэкса (Хуліганства, здзейсненае групай асобаў), і з улікам таго, што ў яе ёсць малое дзіця, асудзіў да двух гадоў пазбаўлення волі ў калоніі. Яна ўжо выйшла на волю, але высветлілася, што яна вінаватая зноў – за тое, што не выдаліла з тэлефона здымкі пра пратэстныя падзеі 2020 г.
У абноўлены санкцыйны спіс Еўразвязу трапілі суддзі з Віцебшчыны і кіраўнікі Наваполацкай калоніі
3 жніўня ў санкцыйны спіс Еўразвязу дадалі яшчэ 32 асобы. Гэта суддзі, пракуроры, супрацоўнікі калоній. Што да Віцебшчыны, то пад санкцыі трапіў начальнік Наваполацкай ПК-1 Руслан Машадзіеў, прызначаны на гэтую пасаду (раней працаваў намеснікам начальніка) ў канцы красавіка. І ягоны папярэднік, вядомы сваім жорсткім абыходжаннем са зняволенымі, Андрэй Пальчык.
За распаўсюд «экстрэмізму» ўлады арыштавалі педагога з в. Празарокі Глыбоцкага раёна
Суддзя Глыбоцкага раёна Аляксандр Аляксеенка 5 чэрвеня пастанавіў пакараць арыштам на 10 сутак былую настаўніцу Празарокскай СШ 66-гадовую Алену Кішкурну, якая ў сацыяльных сетках распаўсюдзіла «экстрэмісцкія» матэрыялы ўзятыя ёю на пяці інфармацыйных рэсурсах.
Шаркаўшчынскія “дэпутаты” ездзяць па сельсаветах і раздаюць указанні, каб ствараць “добры малюнак”
Выязны семінар з удзелам так званага Старшыні раённага Савета дэпутатаў Уладзіміра Шпеца прайшоў у Ёдскім сельсавеце Шаркаўшчынскага раёна. Пра гэта паведамляе сайт мясцовай раёнкі.
Былы палітзняволены Леанід Судаленка — пра зняволенне, ад’езд з Беларусі і салідарнасць
Вязень ПК №3 (Віцьба) Віцебскага раёну Леанід Судаленка распавёў пасля ад’езду з Беларусі, чаму прыняў такое рашэнне, як выглядала дыскрымінацыя асуджаных па палітычных артыкулах у зняволенні і чаму салідарнасць важная.
Наведнікаў школьнага летніка ў Вушачах вадзілі на экскурсію ў суд
Летнік «Орлёнок» пры Вушацкай сярэдняй школе лічыцца аздараўленчым. Таксама, аддаючы даніну ідэалагічнай модзе апошняга часу, адміністрацыя дзіцячай установы назвала яго вайскова-патрыятычным. Прынята падкрэсліваць, што ў вайскова-патрыятычныя дзіцячыя аб“яднанні залічваюць найлепшых вучняў, якія з“яўляюцца ўзорам для іншых, прынамсі, у плане ідэалагічнай падрыхтоўкі. І тут нечаканы кантраст: выхаванцаў летніка «Орлёнок» павялі на экскурсію ў суд з мэтай прафілактыкі правапарушэнняў і злачынстваў у асяродку непаўналетніх.
Праваабаронцы прызналі палітзняволенай глыбачанку Святлану Лупач
Трэцяга жніўня праваабаронцы апублікавалі сумесную заяву праваабарончых арганізацый Беларусі аб прызнанні палітзняволенымі яшчэ 14 чалавек, якія праходзяць па крымінальнай справе 342 (Арганізацыя групавых дзеянняў, якія груба парушаюць грамадскі парадак або актыўны ўдзел у іх) ды іншых. Сярод іх і глыбачанка Святлана Лупач.