Уладальніцу кветкавага бізнесу Таццяну Кандрацкую аштрафавалі на 4,4 тысяч рублёў за рэпосты і «пікетаванне»
У сацыяльных сетках ураджэнкі Вушаччыны міліцыянты заўважылі выявы сцяга Украіны і іншыя малюнкі на тэму расейскага вайсковага нападу, а таксама рэпосты з інфармацыйных рэсурсаў, прызнаных «экстрэмісцкімі». Суддзя суду Полацка і Полацкага раёна Яніна Мацулевіч аштрафавала жанчыну агулам на 120 базавых велічынь, што складае 4 440 рублёў, паводле двух артыкулаў: 24.23 КаАП («незаконнае пікетаванне», штраф 3330 рублёў, або 90 базавых велічынь) і 19.11 КаАП (распаўсюд «экстрэмісцкай» інфармацыйнай прадукцыі).
Што з ВІЧ-інфекцыяй у Віцебскай вобласці. Людзі працягваюць паміраць
Па дадзеных эпідэміёлагаў на 1 траўня ў рэгіёне афіцыйна зарэгістравана 1867 выпадкаў ВІЧ-інфекцыі, а 1406 чалавек, якія жывуць з ВІЧ (1359 чалавек на 01.05.2022). За студзень - красавік 2023 года памерла 10 чалавек, з іх у чацвёркай стадыі ВІЧ-інфекцыі - 9.
“Народныя абраннікі» з Палаты прадстаўнікоў накінуліся на «Захад, які жыве за кошт рабавання»
Прадстаўнікам Віцебшчыны Іне Крачак і Уладзіміру Андрэйчанку далі слова рэспубліканскія і абласныя дзяржСМІ. Дэпутатка і Старшыня Палаты прадстаўнікоў у адкрытую агучваюць ідэалагічны пасыл, які дагэтуль выкарыстоўваўся толькі ў якасці паўнамёкаў: абодва абвінавацілі Захад у «спонсарстве фашызму» і абвясцілі, што цяперашняя вайна, развязаная Расеяй ва Украіне, – гэта працяг супрацьстаяння былога СССР і «групоўкі заходнееўрапейскіх дзяржаў».
Падлеткаў з Полаччыны на 10 дзён «забралі ў войска». Дзеля выхавання патрыятызму
Выхаванцы вайскова -патрыятычных клубаў «Сокал»( Наваполацк) і «Рубеж» (Полацк) 10 дзён правялі ў адмысловым летніку на базе в/ч 5530. І гэта былі «умовы, максімальна набліжаныя да вайсковай службы», піша наваполацкая «Новая газета», называючы падлеткаў «юнымі патрыётамі». Выданне культывую папулярную сёння ідэалагічную падмену паняццяў: за «патрыятызм» выдаецца ўдзел у занятках па абыходжанні са зброяй і фізічнай падрыхтоўцы. Хаця да сапраўднай любові да Радзімы ўсё гэта мае вельмі ўскоснае дачыненне.
Глыбоцкі суд пакараў 15-цю суткамі беспрацоўнага за публікацыі з нацыянальным бел-чырвона-белым сцягам
Глыбоцкі суд у асобе суддзі Андрэя Тарасевіча 13 чэрвеня прысудзіў 15 сутак арышту беспрацоўнаму Андрэю Гутару. Яго судзілі паводле двух артыкулаў - частцы 2 артыкула 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуючай такую дзейнасць) і частцы 1 артыкула 24.23 КаАП (Парушэнне парадку правядзення сходу, мітынгу, вулічнага шэсця, дэманстрацыі, пікетавання, іншага масавага мерапрыемства).
Віцебскія ўлады рыхтуюць чарговую працэдуру прызначэння “дэпутатаў”
Па сцэнары ўладаў гэта павінна адбыцца пад час, так званага, «адзінага дня галасавання», ужо прызначанага на 25 лютага 2024 года.
Віцебскія газеты не паведамілі жыхарам Віцебска і Віцебскай вобласці аб ваенным мецяжы ў Расіі
На 13.00 віцебскія дзяржаўныя інфармацыйныя рэсурсы захоўвалі маўчанне аб тым, што ў Саюзнай дзяржаве Беларусі і Расіі фактычна пачалася грамадзянская вайна. З улікам празрыстых межаў паміж краінамі ўзнікае пагроза бяспецы для грамадзян нашай краіны. Паколькі Віцебская вобласць мяжуе з РФ, бесшабашнасць і безадказнасць віцебскіх службовых асоб і журналістаў можа дорага абысціся жыхарам рэгіёну.
МУС унесла віцебскага музыку і арт-менеджара Уладзіміра Булаўскага з «экстрэмісцкі спіс»
На сайце МУС у мінулую пятніцу з“явілася папаўненне «Пераліку грамадзян Рэспублікі Беларусь, замежных грамадзян і асобаў без грамадзянства, датычных да экстрэмісцкай дзейнасці». Да «экстрэмісцкага спісу» дадлі адразу 66 асобаў, сярод іх – добра вядомы ў Віцебску Уладзімір Булаўскі, асуджаны паводле артыкула 342-2 Крымінальнага Кодэкса (Неаднаразовае парушэнне парадку арганізацыі або правядзення масавых мерапрыемстваў).
“Магчыма, давядзецца пераразмяркоўваць корм на ўзроўні вобласці. Галоўнае - захоўваць аптымізм”
Сказаў міністр сельскай гаспадаркі і харчавання Ігар Брыло падчас рабочай паездкі на Мёршчыну.
На Віцебшчыне ўзяліся за ідэалагічнае «перавыхаванне» медыкаў
Змаганне з эпідэміяй Covid-19, калі работнікі медычных установаў аддана працавалі і мелі безумоўную падтрымку грамадства, якому Аляксандр Лукашэнка прапаноўваў ратавацца «хакеем» і «козачкамі», а потым мірныя пратэсты 2020г. паказалі, што медыкі здольная кансалідавацца і ўяўляюць сабой аўтарытэтную сацыяльную сілу. Ці не таму найвышэйшы кіраўнік краіны «узяўся за медыцыну», і па Беларусі пакацілася хваля арыштаў урачоў – у тым ліку за пратэстную актыўнасць масля мінулай прэзідэнцкай выбарчай кампаніі. Прадзяржаўныя ідэалагічныя структуры тым часам вырашылі заняцца «перавыхаваннем» гэтай прафесійнай супольнасці – далучаць іх да розных актыўнасцяў, якія нібыта адцягнуць увагу ўдзельнікаў ад чытання дэструктыўных інтэрнэт-рэсурсаў і зробяць іх прыхільнікамі курсу кіраўніцтва краіны.