У спісах вызваленых палітвязняў, якім было дазволена застацца ў Беларусі, – Андрэй Матусенка, “афганец” з Віцебска
Па рашэнні Віцебскага абласнога суда мужчына быў прызнаны вінаватым у садзейнічанні экстрэмісцкай дзейнасці (часткі 1 і 2 арт. 361-4 КК РБ). Андрэя Матусенку асудзілі да трох гадоў пазбаўлення волі ў калоніі ва ўмовах узмоцненага рэжыму.
У спісах вызваленых палітвязняў, якім было дазволена застацца ў Беларусі, – віцебскі фатограф Уладіслаў Кошалеў
Ён быў прызнаны вінаватым паводле ч. 1 арт. 368 КК - за абразу Аляксандра Лукашэнкі. Справу Уладзіслава Кошалева ў судзе Кастрычніцкага раёна Віцебска разглядала суддзя Святлана Кузмічонак. Мужчыну асудзілі да трох гадоў “хіміі”.
Пракуратура Лёзненскага раёна пахвалілася, што летась адшукала 12 “экстрэмісцкіх інтэрнэт-рэсурсаў”
Было складзена 12 судовых пазоваў, і па суд Лёзненскага раёна прыняў адпаведныя рашэнні – прызнаў інтэрнэт-рэсурсы “экстрэмісцкай інфармацыйнай прадукцыяй”. Дзе ж знайшлі экстрэмізм пільныя прадстаўнікі ведамства?
"Экстрэмістам" абвешчаны Уладзіслаў Пучкоў, 29-гадовы жыхар Оршы
Яго імя і прозвішча з'явілася 20 сакавіка ў абноўленым пераліку асобаў, "датычных да экстрэмісцкай дзейнасці", на сайце МУС.
У спісах вызваленых палітвязняў, якім было дазволена застацца ў Беларусі, – прадпрымальнік з Глыбокага Леанід Шпец
Пасля перамоваў Лукашэнкі са спецпасланнікам прэзідэнта ЗША Дональда Трампа Джонам Коўлам 19 сакавіка былі вызваленыя 250 беларускіх палітвязняў. З іх 235 засталіся ў Беларусі, а 15 былі вывезеныя ў Літву без пашпартоў. Сярод вызваленых і тых, хто застаўся ў Беларусі, ёсць і жыхар Глыбокага, прадпрымальнік Леанід Шпец.
У спісах вызваленых палітвязняў, якім было дазволена застацца ў Беларусі, – Андрэй Загорскі, ураджэнец Докшыц
У Мінскім абласным судзе 1 красавіка 2025 г.ен быў прызнаны вінаватым па ч. 2 арт. 361-4 Крымінальнага кодэкса (садзейнічанне экстрэмісцкай дзейнасці) і ч. 1 арт. 361-2 Крымінальнага кодэкса (фінансаванне экстрэмісцкай дзейнасці). Суд прызначыў яму 5 гадоў і 6 месяцаў пазбаўлення волі ў калоніі агульнага рэжыму.
У спісах вызваленых палітвязняў, якім было дазволена застацца ў Беларусі, – ураджэнец Навалукомля Андрэй Вусік
30 студзеня 2026 ён быў асуджаны па “справе Гаюна” на тры гады “хіміі”, таксама суд Мінскі абласны суд пакараў яго вялікім штрафам. Пра пакаранне Андрэя Вусіка стала вядома з пераліку асобаў, “датычных да экстрэмісцкай дзейнасці”, на сайце МУС. Андрэя Вусіка затрымалі ў чэрвені 2025 года ў Крупскім раёне.