Ксёндз з Шуміліна Павел Лемах не выйшаў на волю пасля арышту
Ксяндза Паўла, асуджанага да 10 сутак арышту, не выпусцілі з-пад варты 18 траўня. Стала вядома, што яго судзілі яшчэ раз, але пакуль сутнасць пакарання, як і прычыны затрымання святара, невядомыя. Нагадаем, 8 траўня ў Шуміліне затрымалі двух святароў, ксяндзу Паўлу Лемеху быў прысуджаны арышт на 10 сутак, ксяндзу Анджэю Юхневічу - яго чакаюць на волі 23 траўня.
Двух ксяндзоў, затрыманых 8 траўня ў Шуміліне, вінавацяць у «дыверсійнай» або «экстрэмісцкай» дзейнасці
Такую інфармацыю апублікавала кіраўніцтва ордэна аблатаў, да якога належаць ксяндзы Анджэй Юхневіч і Павел Лемех.Прэс-сакратар польскай правінцы місіянераў аблатаў айцец Павел Гамуляк паведамляе, што прычынай затрымання стала «dywersyjna działalność». Гэтыя словы можна перакласці і як «дыверсійная», і як «экстрэмісцкая» дзейнасць. Ксяндзоў шумілінскай парафіі затрымалі 8 траўня пасля святарскай сустрэчы ў касцёле Божай Маці Фацімскай.
Расейскія ўлады абвясцілі ў вышук двух беларускіх каталіцкіх святароў
Не так даўно святары Вячаслаў Барок і Андрэй Вашчук былі змешчаны ў базу вышуку МУС Расійскай Федэрацыі. У 2021-2022 гадах святары неаднаразова падвяргаліся пераследу з боку беларускіх ўладаў за сваю грамадзянскую пазіцыю, у тым ліку антываенную, іх арыштоўвалі і штрафавалі, з-за чаго яны былі вымушаныя пакінуць Беларусь, а Youtube-канал Барка ва ўладамі краіны прызнаны экстрэмісцкім.
Улады пакаралі арыштам ксяндза за герб "Пагоня"
Суддзя суда Міёрскага раёна Ірына Яскевіч 29 мая за распаўсюд «экстрэмісцкіх матэрыялаў і пікетаванне ў сацыяльных сетках пастанавіла пакараць арыштам на 7 сутак пробашча парафіі Найсвяцейшай Панны Марыі Якая Носіць Скапапулярны ў Ідолцы Вячаслава Адамовіча.
Суд абмежаваў доступ да інтэрв'ю ксяндза з Міёраў на канале «Жыццё-маліна»
Рашэннем суда Расонскага раёна Віцебскай вобласці 14 кастрычніка 2022 года відэаролік "КСЕНДЗ БАРОК - пра Лукашэнку і сатану, Папу Рымскага і пакаянне, свабоду і смерць", размешчаны на Yout з назвай "Жыццё-маліна", прызнаны экстрэмісцкім матэрыялам.
Ксёндз Вячаслаў Барок патлумачыў, чаму ён больш не выступае
Вядомаму каталіцкаму святару Вячаславу Барку, а адначасова актыўнаму блогеру, забараніла выказвацца на грамадска значныя тэмы ў СМІ і сацсетках царкоўнае начальства, патлумачыў ён у тэлеграм-канале.
Сілавікі шукалі сустрэчы са ксяндзом Вячаславам Барком, і прыходзілі да ягонага бацькі
Супрацоўнікі міліцыі 25 лістапада прыйшлі да бацькі каталіцкага святара Вячаслава Барка, які жыве ў Мёрах Віцебскай вобласці. Яго апытвалі ў сувязі з удзелам святара ў відэа для канала «Хартыя-97» «Беларускі святар распавёў, калі падзе рэжым Лукашэнкі», апублікаваным два месяцы таму. Пра гэта паведамляе «Хрысціянская візія».
На Віцебшчыне зноў асудзілі каталіцкага святара – Аляксандра Барана з Лынтупаў
Пра тое, што пробашча лынтупскага касцёлу Святога Апостала Андрэя асудзілі да 17 сутак арышту, паведамляе Тэлеграм-канал «Хрысціянская візія». Падрабязнасці адміністрацыйнай справы ксяндза Аляксандра пакуль не вядомыя, апрача таго, што ён быў асуджаны за парушэнне заканадаўства пра масавыя мерапрыемствы (арт. 24.23 КаАП).
У Інтэрнэце з’явіўся відэаролік у падтрымку арыштавана ксяндза Андрэя Вашчука
Стваральнік відэароліка – віцебскі рэжысёр Антон Грышкевіч, які ў студзені 2021-га году падтрымаў агульнанацыянальны страйк і звольніўся з Віцебскага дзяржаўнага каледжа культуры і мастацтва, дзе працаваў выкладчыкам. З тае пары ён застаецца беспрацоўным, але не губляе прынцыповай грамадзянскай пазіцыі, у тым ліку і ва ўласнай творчасці. Апошні ягоны відэаролік, прысвечаны ксяндзу Андрэю Вашчуку, змантажаваны з фотаздымкаў зняволенага святара.
Праўладныя віцебскія паблікі паліваюць брудам зняволенага ксяндза Андрэя Вашчука
У некаторых тэлеграм-супольнасцях, якія займаюцца распальваннем варожасці ў дачыненні да прыхільнікаў дэмакратычных пераменаў, сінхронна з’явіліся звесткі пра тое, што супраць святара вось-вось распачнуць крымінальную справу. Асобныя паблікі «ВКонтакте», якія пазіцыянуюць сябе як праваднікоў афіцыйнай дзяржаўнай палітыкі Беларусі, апусціліся да паклёпу і прамых абразаў на адрас віцебскага ксяндза. Паклёпнікі відавочна карыстаюцца тым, што Андрэй Вашчук не можа прыцягнуць іх да судовай адказнасці, бо адбывае 15-суткавы арышт.