Больш за 50 чыноўнікаў Віцебшчыны прыцягнутыя да адказнасьці за фармалізм у працы са зваротамі грамадзян
Больш за 50 службовых асоб Віцебскай вобласьці прыцягнутыя да адказнасьці за неналежную працу са зваротамі грамадзян, паведаміла старшы памочнік пракурора вобласьці па наглядзе за выкананьнем заканадаўства аб зваротах грамадзян Ірына Таўтын.
Больш за 370 асоб прыцягнутыя да адказнасьці ў Віцебскай вобласьці за парушэньні ў сфэры землекарыстаньня
У Віцебскай вобласьці за парушэньні прыродаахоўнага і зямельнага заканадаўства да дысцыплінарнай, адміністрацыйнай і матэрыяльнай адказнасьці прыцягнутыя 373 асобы, паведаміла старшы памочнік пракурора вобласьці па наглядзе за выкананьнем прыродаахоўнага заканадаўства Алена Казлова. За 6 месяцаў бягучага году ў гэтай сфэры было арганізавана 96 праверак, па выніках якіх падрыхтавана 309 актаў рэагаваньня, па патрабаваньнях пракурораў кампэнсаваныя матэрыяльныя страты на суму звыш Br80 млн.
Справа сэнатара Шарэйка: шкода дзяржаве ў 4 мільярды рублёў і дарагі катэдж
У Генэральнай пракуратуры распавялі, за што сябра Савету Рэспублікі Нацыянальнага сходу Беларусі Ганна Шарэйка была пазбаўленая недатыкальнасьці і ў чым яе падазраюць.
На чыноўніка з Гарадка заведзеная крымінальная справа
Гарадоцкім раённым аддзелам Сьледчага камітэту Рэспублікі Беларусь расьсьледуецца крымінальная справа ў дачыненьні да першага намесьніка старшыні Гарадоцкага раённага выканаўчага камітэту. Крымінальная справа распачатая пракуратурай Гарадоцкага раёну па матэрыялах праверкі супрацоўнікаў 7-га ўпраўленьня ГУБАЗіК МУС Рэспублікі Беларусь. Пра гэта распавяла афіцыйны прадстаўнік Сьледчага камітэту па Віцебскай вобласьці Іна Гарбачова.
Па падазрэньні ў карупцыі затрыманыя службовыя асобы Віцебскай бройлернай птушкафабрыкі
Сьледчы камітэт Беларусі расьсьледуе крымінальную справу аб карупцыі ў дачыненьні да шэрагу службовых асобаў зь ліку адміністрацыі ААТ “Віцебская бройлерная птушкафабрыка”, паведамілі ў аддзеле інфармацыі і сувязі з грамадзкасьцю СК.
У пракуратуры Віцебскай вобласьці прааналізаваная праца са зваротамі грамадзян
Як паведамляе абласная пракуратура, у I квартале гэтага году ў органы пракуратуры Віцебскай вобласьці паступіла 1.938 зваротаў, зь якіх непасрэдна пракурорамі разгледжаныя 1.192 заявы, пры гэтым задаволеныя — 138, або 11,6%.
Прадпрыемствамі спажыўкаапэрацыі Віцебскай вобласьці зацікавілася пракуратура
Органамі пракуратуры Віцебскай вобласьці праведзеныя праверкі прадпрыемстваў спажыўкаапэрацыі ў 17-ці раёнах. Выяўленыя шматлікія парушэньні патрабаваньняў дырэктываў прэзыдэнта №1 “Аб мерах па ўмацаваньні грамадзкай бясьпекі і дысцыпліны”, №3 “Эканомія і ашчаднасьць — галоўныя чыньнікі эканамічнай бясьпекі дзяржавы”, заканадаўства аб захаванасьці ўласнасьці, зваротах грамадзян і юрыдычных асоб, працоўнага і антыкарупцыйнага заканадаўства.
Пракуратура абвінаваціла ЖКГ Віцебскай вобласьці ў зрыве мадэрнізацыі
Органамі пракуратуры Віцебскай вобласьці праведзеная праверка выкананьня патрабаваньняў заканадаўства ў арганізацыях, якія ўваходзяць у сыстэму Міністэрства жыльлёва-камунальнай гаспадаркі Рэспублікі Беларусь. Падчас правядзеньня органамі пракуратуры наглядных мерапрыемстваў выяўлена, што арганізацыямі жыльлёва-камунальнай гаспадаркі ня ў поўнай меры выкананыя задачы па павышэньні эфэктыўнасьці работы і мадэрнізацыі жыльлёва-камунальнай гаспадаркі па выніках працы ў 2013 годзе.
Пэнсіянэр-праваабаронца просіць абароны ў пракурора
Віцебскі пэнсіянэр Валер Місьнікаў зьвярнуўся да пракурора Віцебску з заявай аб правядзеньні праверкі і прыняцьці неабходных мер для прыцягненьня да адказнасьці работнікаў Тэрытарыяльнага цэнтру сацыяльнага абслугоўваньня насельніцтва Першамайскага раёну Віцебску. На думку сп. Місьнікава , работнікі гэтай установы на працягу трох гадоў наўмысна выдаюць яму недакладную інфармацыю пра яго матэрыяльна-бытавое становішча.
Пракуратура вынесла папярэджаньне віцебскай журналістцы
15 красавіка Сьвятлана Сьцяпанава наведала Віцебскую абласную пракуратуру ў суправаджэньні віцебскага праваабаронцы Паўла Левінава. У пракуратуры палічылі, што незалежная журналістка зь Віцебску без акрэдытацыі супрацоўнічае з замежным СМІ – беларускай службай “Польскага радыё для замежжа”.