Суддзя суда Дубровенскага раёна Ігар Татаеў 24 красавіка за распаўсюджванне ў сацыяльнай сетцы «экстрэмісцкіх» публікацый аштрафаваў на 400 рублёў мясцовую індывідуальную прадпрымальніцу Наталлю Васіленка.

Суддзя суда Браслаўскага раёна Аляксандр Вязіцкі 26 красавіка за распаўсюд у сетцы інтэрнэт «экстрэмісцкіх» публікацый аштрафаваў на 1200 рублёў мясцовага індывідуальнага прадпрымальніка Валерыя Высоцкага.

Суддзя суда Аршанскага раёна і Оршы Юлія Вяршыніна 26 красавіка за няяўку на мерапрыемствы па прызыве ў войска аштрафавала на 120 рублёў не працуючага жыхара Аршанскага раёна Уладзіміра Шусева. Раней малады чалавек прыцягваўся да адміністрацыйнай адказнасці па гэтым жа артыкуле.

Суддзя суда Першамайскага раёна Віцебска Аляксандр Ляшковіч 26 красавіка за абразу службовай асобы пры выкананні ёй службовых паўнамоцтваў аштрафавала на 800 рублёў мясцовага жыхара Сяргея Камандышку.

Суддзя суда Першамайскага раёна Віцебска Алена Жук 5 красавіка за парушэнне заканадаўства аб выбарах - фатаграфаванне бюлетэняў для галасавання, аштрафавала на 160 рублёў грамадзянку Расіі інваліда трэцяй групы работніцу ПУП "Элект" ГА "БелТІЗ" Таццяну Лапавухаву. Адміністрацыйная справа паступіла ў суд ад начальніцы аддзела арганізацыйна-кадравай работы адміністрацыі Першамайскага раёна Вольгі Домкінай.

Суддзя суда Талачынскага раёна Ірына Котава 23 красавіка за парушэнне абавязкаў па воінскім уліку (ч. 1 арт. 26.3 КаАП) аштрафавала на 200 рублёў беспрацоўнага жыхара раённага цэнтра Андрэя Сяркова.

Суддзя суда Браслаўскага раёна Снежана Калінічэнка 11 красавіка за распаўсюд «экстрэмісцкіх» матэрыялаў аштрафавала на 1200 рублёў бацьку двух малалетніх дзяцей галоўнага інжынера прадпрыемства «БудБрасПраект» Віталя Трафімянкова.

Данііл Мядзелец з аграгарадка Юнькі выклаў у TikTok відэа з удзелам інспектара па справах непаўналетніх Пастаўскага РАУС, які, паводле судовай пастановы, утрымліваў «абразлівыя выразы, якія прыніжаюць гонар і годнасць пасадовай асобы дзяржаўнага органа пры выкананні ім службовых паўнамоцтваў». Суд Пастаўскага раёна вырашыў, што Мядзелец мае быць пакараным паводле ч.2 арт. 24.4 КоАП і прысудзіў мужчыну 7 сутак арышту.

У мэтах забеспячэння бяспекі пры эксплуатацыі маламерных судоў у навігацыйны перыяд суднаўладальнікі абавязаны своечасова паклапаціцца аб тэхнічным стане сваіх маламерных судоў і прайсці іх тэхнічны агляд на тэрытарыяльным участку Дзяржаўнай інспекцыі па маламерных судах (ДІМС). Зазначыў дзяржаўны інспектар Браслаўскага ўчастка ДІМС Мікалай Сільчонак.

Суддзя суда Шумілінскага раёна Алена Сініцкая 5 красавіка за публічнае дэманстраванне ў сацыяльным медыя нацысцкай сімволікі і атрыбутыкі аштрафавала на 400 рублёў механізатара сельгаспрадпрыемства "Сіроцінскі" Сяргея Раманава.