Дзень правоў чалавека ў Віцебску: дыскусія сярод журналістаў
10 сьнежня, у 69-ю гадавіну прыняцьця Генэральнай асамблеяй ААН Сусьветнай дэклярацыі правоў чалавека, у Віцебску распачаўся двухдзённы сэмінар, прысьвечаны бясьпецы журналістаў. Удзельнікі сэмінару – прадстаўнікі ня толькі абласнога цэнтру, але і Аршаншчыны, Полацку, Гарадка – у такі дзень не маглі не закрануць тэму парушэньня правоў чалавека на Беларусі.
У Германавічах у трэці раз прайшоў Бульбяны фэст
Ідэя правядзеньня такога мерапрыемства ўзьнікла ў Ады Райчонак два гады таму. Тады ў Германавічах і прайшоў першы Бульбяны фэст, які быў арганізаваны культурна-асьветніцкім Цэнтрам імя Язэпа Драздовіча разам з глыбоцкай суполкай Беларускай асацыяцыі журналістаў.
Віцебскія журналісты на валянтэрскіх асновах здымаюць стужку пра чарнобыльцаў-ліквідатараў
Героямі дакумэнтальнай кінастужкі сталі былыя афіцэры Анатоль Гнеўка і Сяргей Іконьнікаў. Як кажа кіраўніца Віцебскай філіі Беларускай асацыяцыі журналістаў (БАЖ) Алена Сьцяпанава, адна з аўтарак сцэнару, успаміны былых ліквідатараў – гэта менавіта тое, чым у цяперашніх варунках варта падзяліцца з грамадзкасьцю.
Віцебскія журналісты павіншавалі Барыса Хамайду з днём свабоды прэсы
Барыс Хамайда – бадай, адзін з самых адданых прыхільнікаў і распаўсюднікаў незалежнай прэсы ў краіне. У Сусьветны дзень свабоды прэсы, 3 траўня, сябры Беларускай асацыяцыі журналістаў (БАЖ) падарылі яму простыя, але сымбалічныя падарункі.
Праваабаронца Павал Левінаў пакараны 15-цю суткамі арышту
Суд над сябрам Беларускага Хэльсынскага Камітэту адбыўся ва ўжо звыклым для разгляду справаў пра масавыя мерапрыемствы месцы, у судзе Кастрычніцкага раёну гораду Віцебску. Судзьдзя Іна Грабоўская палічыла даказаным удзел праваабаронцы у несанкцыянаваных акцыях, што прайшлі 25 і 26 сакавіка, і пастанавіла падвергнуць яго спагнаньню ў выглядзе адміністрацыйнага арышту.
Віцебчукі абураныя закрытым судом над незалежным журналістам
Інцыдэнт здарыўся 27 сакавіка ў Кастрычніцкім райсудзе Віцебску, дзе судзьдзя Іна Грабоўская мусіла разьбіраць справу затрыманага напярэдадні журналіста Кастуся Мардзьвінцава. Перад пачаткам працэсу яна заявіла, што хоча праводзіць паседжаньне ў сваім габінэце, а таму нікога на разгляд ня пусьціць.
Журналісты Віцебшчыны вучыліся ствараць відэасюжэты смартфонам
Трэнінг для журналістаў рэгіёну па стварэньні звычайным смартфонам навінавага відэасюжэту прайшоў 3 і 4 сакавіка ў Полацку. Правёў трэнінг дасьведчаны відэаапэратар тэлеканалу «Белсат», фатограф, кіраўнік Барысаўскай суполкі Беларускай асацыяцыі журналістаў Аляксандар Зянкоў. У навучаньні ўзялі ўдзел журналісты зь Віцебску, Глыбокага і Полацку.
Актывістка БАЖ: Літаратурны конкурс павялічыць тэрыторыю дабра і любові
Віцебская філія грамадзкага аб'яднаньня «Беларуская асацыяцыя журналістаў» (БАЖ) у межах «Эстафэты добрых справаў» да Дня сьвятога Валянціна, 23 лютага і 8 сакавіка абвясьціла літаратурны конкурс. Тэма конкурсу: «За што я ўдзячны сваёй каханай/каханаму». Пераможцаў назавуць у Міжнародны жаночы дзень, а іх творы апублікуюць на адным з сайтаў.
Глыбоцкія журналісты адраджаюць народную традыцыю
Філія Беларускай асацыяцыі журналістаў (БАЖ) у Глыбокім арганізавала правядзеньне нацыянальнага фальклёрнага гуляньня. У агра-сядзібе «Родны кут» каля Глыбокага 13 сьнежня прайшоў абрад «Жаніцьба Цярэшкі» – так называецца беларускі традыцыйнае сьвята, які ладзілі ў вёсках на поўначы Беларусі. У госьці да глыбачанаў прыехалі іх калегі зь пяці раёнаў Віцебскай вобласьці.
Журналісты Віцебскай вобласьці адзначаныя за актыўнасьць
Падчас падвядзеньня вынікаў 2016 году Беларуская асацыяцыя журналістаў адзначыла добрую арганізацыю працы філіяў БАЖ у Віцебскай вобласьці. Дыплёмамі БАЖ былі ўганараваныя актывісты трох раённых арганізацыяў Віцебшчыны: Глыбоцкай, Полацкай і Віцебскай. Прычым Віцебскае аддзяленьне БАЖ ужо другі год запар становіцца пераможцам сярод усіх суполак Беларускай асацыяцыі журналістаў.