Супрацоўнік аддзелу барацьбы з эканамічнымі злачынствамі спрабаваў выратаваць ад пакараньня свайго сваяка, які займаўся незаконнай прадпрымальніцкай дзейнасьцю.

Для дробнага бізнэсу ўказ №222 невыканальны. Казаць пра гэта трэба ўсімі даступнымі мэтадамі. Пра гэта заявіла адна зь лідэраў віцебскіх прадпрымальнікаў Ірына Яскевіч. Яна распавяла пра сытуацыю на рынках абласнога цэнтру.

Абвінавачаньне па факце гібелі рабочых у філіяле “Наваполацкая ЦЭЦ” РУП “Віцебскэнэрга” прад’яўленае двум адказным работнікам прадпрыемства. Як паведаміла намесьніца начальніка аддзелу па наглядзе за выкананьнем заканадаўства ўпраўленьнем Сьледчага камітэту пракуратуры Віцебскай вобласьці Натальля Федарэнка, крымінальная справа перададзеная ў суд гораду Наваполацку.

Зэканомленыя 370 мільёнаў палачанін Яраслаў Пачопка прапануе выдаткаваць на добраўпарадкаваньне гораду. «У краіне, а тым больш у Полацку, цяпер нялёгкія часы, таму траціць 17 тысяч даляраў на новае аўто для “служак народу” мы лічым няслушным!» – гаворыцца ў пэтыцыі, разьмешчанай на сайце www.change.org.