Суд накіраваў справу полацкай журналісткай Цінай Палынскай на дапрацоўку
17 чэрвеня ў судзе Полацку і Полацкага раёну над Цінай Палынскай мусіў адбыцца працэс за яе допісы ў "Фэйсбуку". Як сфармулявалі абвінавачанне, жанчына не ведае, таму што суд не адбыўся. Матэрыялы справы было вырашана накіраваць на дапрацоўку ў міліцыю.
Барыс Жахоўскі трымае сухую галадоўку ў Наваполацкім ЦІПе
Супрацоўнік «Нафтана» Барыс Жахоўскі знаходзіцца пад арыштам, прысуджаным яму 15 чэрвеня за ўдзел у несанкцыянаваным пікетаванні. Гэта ўжо трэці арышт запар – Жахоўскага асудзілі агулам на 45 сутак. Напярэдадні апошняга суду, 6 дзён таму, ён абвясціў сухую галадоўку.
Судовыя эксперты нарэшце звярнулі ўвагу на «наркатычныя графіці» на Віцебшчыне
Яшчэ 3-4 гады таму на праблему рэкламавання інтэрнэт-крамаў па продажы наркатычных рэчываў звяртала ўвагу мясцовая неабыякавая грамадскасць. Актывісты пісалі заявы ў міліцыю і СМІ, патрабавалі, каб камунальныя службы замалявалі надпісы са спасылкамі на адпаведныя Тэлеграм-каналы, аднак належнай увагі з боку адказных структур так і не дачакаліся. «Наркатычныя графіці» па-ранейшаму сустракаюцца ў Віцебску і буйных райцэнтрах вобласці ледзь не на кожным кроку. І ледзьве не штодня ў рэгіёне судзяць падлеткаў, якія паквапіліся на лёгкія грошы ды пагадзіліся стаць распаўсюднікамі наркотыкаў…
У Віцебску старшыня ЦВК распавёў пра змены ў законе аб выбарах і электронным галасаванні
Віцебскі дзяржаўны тэхнічны каледж 14 чэрвеня наведаў старшыня Цэнтральнай выбарчай камісіі Беларусі Ігар Карпенка. Ён паведаміў, што падрыхтаваныя змяненні і дапаўненні ў выбарчы закон, згодна з якім пачынаючы з 2024 года будуць выбірацца дэпутаты ўсіх узроўняў, а таксама і кіраўнік дзяржавы.
Актывіст незалежнага прафсаюзу Максім Пазнякоў адбыў два арышты за «пікетаванне ў інтэрнэце»
Выконваючага абавязкі старшыні Беларускага незалежнага прафсаюзу Максіма Пазнякова затрымалі ранкам 17 траўня каля дзіцячага садку, куды лідар недзяржаўнага прафсаюзу адводзіў сваіх дзяцей. Затрыманне праводзілі людзі ў цывільным, якія пад’ехалі на аўтамабілі без апазнавальных знакаў. Праз два дні ў Наваполацкім судзе прайшоў судовы працэс, дзе Максім Пазнякоў быў прызнаны вінаватым у незаконным пікетаванні за «аватаркі» у Фэйсбуку.
На праваслаўным фестывалі ў Віцебску прапагандуюць нацысцкую сімволіку?
На пляцоўцы каля Пушкінскага маста разгарнуліся павільёны ўдзельнікаў расейска-беларускага праваслаўнага фестывалю «Радасць». Адзін з такіх павільёнаў называецца «Когда мы едины – мы непобедимы!», у ім экспануецца фотавыстава, прысвечаная перамозе ў Вялікай Айчыннай вайне. На шэрагу тагачасных дакументальных фотаздымкаў, прызначаных для публічнай дэманстрацыі, ёсць выявы свастыкі ды іншай нацысцкай сімволікі. Паводле арт. 19.11 КаАП, за публічнае дэманстраванне падобных выяваў прадугледжаны штраф, грамадскія працы і нават арышт з канфіскацыяй прадметаў правапарушэння.
Тэлеграм-каналы «Орша 97%» і «Новополоцк и Полоцк 97%» прызнаны экстрэмісцкімі фарміраваннямі
Рашэнне пра гэта прынята МУС 16 чэрвеня 2022г. У ім гаворыцца, што абодва тэлеграм-каналы аб’ядноўваюць «групы грамадзянаў, якія ажыццяўляюць экстрэмісцкую дзейнасць». Цяпер Тэлеграм-каналы «Орша 97%» і «Новополоцк и Полоцк 97%» уключаны ў афіцыйны Пералік арганізацый, фарміраванняў, індывідуальных прадпрымальнікаў, датычных да экстрэмісцкай дзейнасці.
Віцебскі лекар, які выступаў супраць гвалту, здолеў выехаць з Беларусі. Цяпер ён па-за небяспекай
Лекар з Віцебску, Яўген Павелка, які прымаў актыўны ўдзел у пратэстах эвакуіраваны. Дзякуючы дапамозе фонду BYSOL ён змог бяспечна дабрацца да Грузіі і хутка там адаптавацца. «Беларускі дом у Варшаве» дапамог Яўгену атрымаць гуманітарную візу. Бліжэйшым часам ён плануе прыехаць у Польшчу каб працягнуць кар'еру лекара.
У TikTok выйшаў відэаролік пра палітвязня Уладзіміра Малахоўскага
Ролік стварыла каманда politzek.me. У відэароліку прыгадваюцца факты біяграфіі Уладзіміра Малахоўскага, асуджанага да трох з паловай гадоў пазбаўлення волі паводле арт. 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў).
Супрацоўніка «Нафтана» суд трэці раз запар арыштаваў на 15 сутак
У сярэдзіне траўня ў Наваполацку на працоўным месцы затрымалі 32-гадовага супрацоўніка «Нафтана» Барыса Жахоўскага. Першы суд на Барысам адбыўся 16 траўня. Суддзя Вольга Баліка асудзіла яго да 15 сутак арышту за «распўсюд экстрэмісцкіх матэрыялаў» (арт. 19.11 КаАП). Але на волю ён не вышаў — быў складзены новы пратакол па арт. 19.11 КаАП. Вынікам сталі чарговыя 15 сутак.