Паводле звестак партала katolik.life, ксяндза Паўля 21 траўня  судзілі другі раз. Калі святара не вызвалілі 18 траўня, вернікі зразумелі, што яго перазатрымалі паводле новага абвінавачвання, і чакалі суду ў панядзелак. У ізалятары часовага ўтрымання ў Віцебску, дзе з 8 траўня знаходзіцца святар, удзень 21 траўня адказвалі, што «на гэты момант ён адсутнічае», адмовіўшыся растлумачыць, з якой прычыны. Меркавана, у той час над ім ішоў новы суд. Увечары ў ізалятары таксама адмовіліся паведаміць, ці знаходзіцца тут айцец Павел.

У электронным раскладзе судоў ніякай інфармацыі  пра працэс і пра сутнасць судовай справы не было.

8 траўня ксяндза Паўла затрымалі разам другім  святаром – айцом Анджэем Юхневічам, які таксама служыць у Шуміліне. Ксянндзу  Анджэю прысудзілі 15 сутак арышту – гэты тэрмін заканчваецца 23 траўня. Акрамя іх, у той самы дзень затрымалі адну з парафіянак, пазней за падпіску ў сацсетцы на інтэрнэт-рэсурс, змест якога ў Беларусі прызнаны  «экстрэмісцкай інфармацыйнай прадукцый», жанчыну пакаралі штрафам.

Ігар Палякоў