Барыс Хамайда: «Рэферэндум» наконт зменаў у Канстытуцыю нелегітымны
Найстарэйшы віцебскі апазіцыянер не збіраецца браць удзел у «рэферэндуме» 27 лютага. На ягоную думку, няма сэнсу разважаць пра змены ў цяперашняй Канстытуцыі РБ, бо яна нелегітымная, а значыць, і вынікі рэферэндуму не могуць мець законнай сілы. Паводле Барыса Хамайды, апошняя беларуская легітымная Канстытуцыя -1994 году.
Назіральніка Вадзіма Кузьміна пасля першых скаргаў выклікалі ў пракуратуру
Віцяблянін Вадзім Кузьмін зарэгістраваўся назіральнікам на «рэферэндум» ад партыі «Справядлівы свет» адразу на двух участках (участак №1 у бібліятэцы імя Астроўскага па вул. Дзімітрава і ўчастак №2 у індустрыяльна-тэхналагічным каледжы па вул Кірава). Парушэнні ён заўважыў у тым, што на першым участку не быў вывешаны спіс сябраў камісіі, тым часам як на другім участку такі спіс быў.
У Талачыне ДАІ спыняла кіроўцаў, каб нагадаць пра «рэферэндум»
Пра супольную ініцыятыву ДАІ і моладзевага атраду аховы правапарадку талачынскай арганізацыі БРСМ распавёў Тэлеграм-канал «Молодёжь Витебской области». 21 лютага там быў выкладзены відэаролік з няхітрым сюжэтам: супрацоўнікі ДАІ спыняюць машыны, маладыя людзі з БРСМ уручаюць кіроўцам памяткі пра дату «рэферэндуму».
Ахоўваць участкі для галасавання на Віцебшчыне будуць міліцыянты, дружыннікі і прадстаўнікі БРСМ
Пад аховай з 21 да 28 лютага будуць знаходзіцца ўсе 714 участкаў на тэрыторыі Віцебскай вобласці. На некаторых дзяжурыць будуць адначасова па два супрацоўнікі міліцыі, паведамляе ўпраўленне МУС Віцебскага аблвыканкаму. Апрача гэтага, на ўчастках будзе ўведзены кантрольна-прапускны рэжым і дагляд змесціва сумак і заплечнікаў.
У Віцебску ствараюць спецгрупы для рэагавання на «надзвычайныя сітуацыі» падчас «рэферэндуму»
27 лютага ў Беларусі пройдзе галасаванне па пытанні ўнясення зменаў у дзейную Канстытуцыю. Але ад 22 лютага ўлады заклікаюць браць удзел у датэрміновым галасаванні. Органы ўлады на месцах загадзя рыхтуюцца да гэтай кампаніі, як да апошняга бою. У Віцебскай вобласці, з ініцыятывы пракуратуры, будзе створаная спецыяльная група «на выпадак надзвычайнага становішча».
Агітацыя за змены ў Канстытуцыю ў дзяржаўных СМІ Віцебскай вобласці – неэфектыўная
З 14 лютага агітацыя ў дзяржаўных СМІ за прыняцце паправак у Канстытуцыю набыла масавы і даволі агрэсіўны характар. Але калі ацэньваць з пункту гледжання колькасці праглядаў публікацыяў аб «рэферэндуме» на 24 сайтах праўладных газет, то можна зрабіць выснову аб неэфектыўнасці дзяржаўнай прапагандысцкай машыны.
Скандал: тры сябры абласной выбарчай камісіі ўзялі ўдзел у агітацыі за змены ў Канстытуцыі
11 лютага ў абласной газеце «Віцебскія весці» быў апублікаваны зварот сябраў Віцебскай абласной Каардынацыйнай рады грамадскіх аб'яднанняў і палітычных партый. 19 кіраўнікоў грамадскіх арганізацый і палітычных партый заклікалі жыхароў Віцебскай вобласці прыйсці на ўчасткі для галасавання і прагаласаваць «За» змены ў Канстытуцыі. Трое з іх – сябры Віцебскай выбарчай камісіі для правядзення «рэферэндуму».
Кіраўніцтва МУС паабяцала абарону і ахову сябрам Віцебскай абласной і раённых камісій па рэферэндуме
Пра гэта паведаміў намеснік міністра ўнутраных спраў Беларусі палкоўнік міліцыі Дзмітрый Карзюк падчас анлайн-нарады з кіраўнікамі камісій. Аднак гарантыі бяспекі не былі дадзены грамадзянам, якія збіраюцца прыйсці і прагаласаваць за абноўленую канстытуцыю.
Участковыя камісіі на Лепельшчыне наведалі міжнародныя назіральнікі з краін СНД
Намеснік дырэктара інфармацыйна-аналітычнага дэпартаменту выканкаму СНД Ісламджан Карымаў і першы намеснік старшыні выканаўчага сакратара СНД Віктар Гумінскі 10 лютага наведалі раённую і ўчастковыя камісіі ў Лепельскім раёне. Пасля завяршэння інспекцыі яны выказалі ўпэўненасць у тым, што будучы «рэферэндум» пройдзе на вельмі высокім арганізацыйна-тэхнічным узроўні.
Пракурор Віцебскай вобласці абмежаваў доступ да сайтаў, якія заклікаюць да зрыву «рэферэндуму»
Пракурор Віцебскай вобласці Ігар Украінец пастанавіў абмежаваць доступ да інтэрнэт-сайтаў «zubr.media» і «xx2022.org». На думку пракурора, гэтыя інфармацыйныя рэсурсы распаўсюджвалі інфармацыю, якая можа нанесці шкоду нацыянальным інтарэсам Рэспублікі Беларусь.