Падлетка з Рыгі, які ўзяў скандальнае інтэрв’ю ў Лукашэнкі, без конкурсу залічылі ў кадэцкае вучылішча
Для членаў сям'і падлетка з Рыгі Іллі Карозы, які ўзяў на «Славянскім базары» інтэрв'ю ў Аляксандра Лукашэнкі, вызначаныя ўстановы адукацыі ў Віцебску. Гэтая скандальная гісторыя звязаная з нібыта з рэпрэсіямі ў дачыненні да рускіх з боку ўладаў Латвіі мае штучны палітычны падтэкст і створана дзеля напаўнення ідэалагічнымі сэнсамі беларускіх дзяржаўных СМІ і прапаганды.
За "непадпарадкаванне" адміністрацыі калоніі палітвязню Алегу Яфрэменку суд дабавіў пакаранне – 1 год зняволення
У судзе Ленінскага раёна Магілёва 15 жніўня быў вынесены прысуд Алегу Яфрэменку, якога абвінавацілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Вікторыя Палякова асудзіла Алега да яшчэ аднаго года зняволення. Раней палітвязню ўжо ўзмацнялі рэжым — у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў. Вядома, што адміністрацыя магілёўскай турмы рэгулярна змяшчала палітвязня ў ШІЗА.
Наваполацкага актывіста асудзілі пяты раз запар і ён правядзе ў няволі як мінімум 75 сутак
Учора пасля 60 сутак за кратамі на волю не выйшаў наваполацкі актывіст Андрэй Галавырын — на яго склалі новы пратакол. 16 жніўня над ім адбыўся чарговы суд і суддзя суда горада Новаполацка Зінаіда Балаболава пакарала яго 15-сутачным арыштам.
4 гады калоніі прысудзілі палітвязню Мікіту Паляонку
28-гадовага жыхара Віцебску абвінавацілі адразу па чатырох артыкулах Крымінальнага кодэкса: арт. 368 (абраза Лукашэнкі), арт. 369 (прадстаўнікоў улады), ч. 3 арт. 361-1 (стварэнне экстрэмісцкага фарміравання альбо ўдзел у іх), ч. 1 арт. 130 (распальванне іншай сацыяльнай варожасці). Судовы працэс над ім праходзіў у Віцебскім абласным судзе ў закрытым рэжыме. Аднак вядома, што напярэдадні прадстаўнік пракуратуры прасіў пакараць Мікіту Паляонка чатырма з паловай гадамі пазбаўлення волі.
Мікалая Статкевіча на паўгода змясцілі ў адзіночную камеру
Вядомы апазіцыйны палітык, палітвязень Мікалай Статкевіч асуджаны да 14-ці гадоў зняволення ў калоніі асаблівага рэжыму паводле ч. 1 арт. 293 Крымінальнага кодэксу (Арганізацыя масавых беспарадкаў). З 24 чэрвеня знаходзіцца ў глыбоцкай ПК-13, а з 5 жніўня ён на паўгода змешчаны ў якасці пакарання ў адзіночную камеру. Пра гэта стала вядома з лістоў да жонкі палітвязня, Марыны Адамовіч.
Палітвязню з Віцебска запрасілі 4,5 гады калоніі за актыўнасць у інтэрнэце
У Віцебскім абласным судзе тры дні адбываецца суд над 28-гадовым Мікітам Палеонкам. Яго судзяць адразу па чатырох артыкулах Крымінальнага кодэкса: арт. 368 (абраза Лукашэнкі), арт. 369 (прадстаўнікоў улады), ч. 3 арт. 361-1 (стварэнне экстрэмісцкага фарміравання альбо ўдзел у іх), арт. 130 (распальванне іншай сацыяльнай варожасці). 12 жніўня пракурор запрасіў яму чатыры з паловай гады калоніі. Прысуд будзе вынесены ў панядзелак. Мікіта ўтрымліваецца за кратамі сем месяцаў.
У наваполацкай калоніі №1 ціснуць на палітвязня Дзмітрыя Кубарава
Па інфармацыі праваабаронцаў, 26-гадовага мінчука Дзмітрыя Кубарава з 5 жніўня змясілі ў памяшканне камернага тыпу на шэсць месяцаў. У наваполацкай ПК №1 ён адбывае пакаранне, прысуджанае паводле ч. 1 арт. 293 Крымінальнага кодэксу (Арганізацыя масавых беспарадкаў) і арт. 295-3 Крымінальнага кодэксу (Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў). Хлопец асуджаны да 8-мі гадоў пазбаўлення волі ў калоніі ва ўмовах узмоцненага рэжыму. Прычым яго судзілі па «палітычных» справах двойчы.
Праваабаронцы прапануюць падтрымаць палітвязня Дзмітрыя Сушчыка ў аршанскай калоніі
Жыхар Наваградку Дзмітрый Сушчык быў асуджаны на паўтара гады пазбаўлення волі па ч. 1 арт. 368 за абразу Аляксандра Лукашэнкі і па арт. 370 (Здзек з дзяржаўных сімвалаў). Падставай сталі рэпосты матэрыялаў, прызнаных у Беларусі экстрэмісцкімі, а таксама за каментары, якія ён размяшчаў у інтэрнэце. З красавіка ён знаходзіцца ў аршанскай ПК №8, дзе для палітзняволенага стварылі надзвычай цяжкія ўмовы.
Аршанскую медработніцу будуць судзіць за абразу прэзідэнта
Фельчарку стаматалагічнага аддзялення паліклінікі № 2 Оршы Наталлю Кукішаву будуць судзіць за не павагу і замах на гонар і годнасць прэзідэнта у сацыяльных сетках. Справу прызначаны разглядаць суддзя суда Аршанскага раёна і г. Воршы Мікалай Драгуноў, які вырашыў праводзіць працэс у закрытым рэжыме.
У рамках крымінальнай справы міліцыя затрымалі жонку палітвязня Міхаіла Чамуракі
Двое супрацоўнікаў міліцыі завіталі да жанчыны дамоў у першай палове дня і правялі ператрус. Паведамілі, што ў межах крымінальнай справы, аднак якой — не сказалі, піша «Вясна».
Людміла Чамурака, якая мае анкалагічнае захворванне, некалькі разоў затрымлівалася разам з мужам, была адміністрацыйна пакараная. Раней улады пагражалі забраць у сям’і дзяцей.