Праваабарончы цэнтр "Вясна" працягвае збіраць факты палітычнага пераследу ў Беларусі за чацвер, 30 верасня. Грамадзян, па-ранейшаму, затрымліваюць, праводзяць ператрусы, ціснуць на палітвязняў і ўжываюць іншыя формы ціску за іх актыўную грамадзянскую пазіцыю і незадаволенасць дзеяннямі ўлады. Калі вас ці вашых блізкіх затрымалі, паведамляйце нам:
|
Ператрус у Баранавічах
У Барысаве сёння раніцай адбыўся ператрус у мясцовага прадпрымальніка Аляксандра Статкевіча. Дома забралі ўсю тэхніку, а яго павезлі ў невядомым накірунку. Ператрус праходзіў у межах крымінальга артыкула па тэрарызме (арт. 289 КК) і псаванне маёмасці (арт. 341 КК). Хто праводзіў яго невядома. Пратакол вобшуку яны не пакінулі. Сілавікі падчас ператрус сарвалі са сцяны плакат “Магутны Божа". Прыталіся пра паляўнічую зброю, але гэтага ў яго не было, не займаўся.
Сёння раніцай сілавікі прыйшлі па месцы прапісцы да аднаго з арганізатараў ініцыятывы па падтрымцы палітвязняў dissident.bу, актывіста анархісцкага руху Вячаслава Касінерава.
- Вячаслаў Касінераў. Фота: "Радыё Свабода"
Пра гэта паведамляюць у самой ініцыятыве.
«Была выламана паштовая скрыня і ледзь не выбіты ўваходныя дзверы ў кватэру, дзе пражываюць квартэранты, бо большасць членаў сям’і вымушана пакінула Беларусь з-за пагрозаў жыццю».
Сілавікоў цікавіла месцазнаходжанне братоў Вячаслава і Паўла Касінеравых, а таксама іх маці. На Паўла ўжо заведзеная крымінальная справа за ўхіленне ад прызыва. Як адзначаюць актывісты, «рэальнай прычыйнай крымінальнай справы з’яўляецца яго актыўны ўдзел у студэнцкім руху БДУ летам 2020 года».
Інфармацыя дапаўняецца.