Віталь Пахомчык. Фота: БелСАТ. У Беларусі ў пятніцу 19 лютага працягваюцца допыты грамадзян, ператрусы і іншыя формы пераследу. Праваабаронцы фіксуюць гэтую інфармацыю.

Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:

  • +375 44 734 45 51
  • +375 29 835 94 49
  • Тэлеграм @ViasnaSOS, @SOSViasna

У жыхара Паставаў Віталя Пахомчыка раніцай 119 лютага прайшоў ператрус.

Яго правялі ў сувязі з крымінальнай справай за знявагу дэлегатаў УНС ад Пастаўскага раёна. Знявага нібыта была ў адной з сацыяльных сетак.

А 7-й раніцы да Віталя прыйшлі чатыры міліцыянты і два панятыя. Забралі два ноўтбукі і два тэлефоны.

Віталь Пахомчык - прадпрымальнік, мае трэнажорны зал «РэЖым». Зараз улады спрабуюць яго закрыць за актыўную грамадзянскую пазіцыю Віталя, паведамляе тэлеграм-канал БелСАТ.

Крыніца: Палітычны пераслед не спыняецца. Ператрусы і затрыманні 19 лютага