Скарга аб змене меры стрымання ў выглядзе заключэння пад варту ў дачыненні да Марфы Рабковай, каардынатаркі валанцёрскай службы "Вясны", засталася без зменаў. Такое рашэнне вынесла 14 снежня суддзя суда Партызанскага раёна горада Мінска Кацярына Чайко. Судовае пасяджэнне праводзілася ў закрытым рэжыме. У рамках кампаніі па зборы паручыцельстваў ад грамадзян за вызваленне з-пад варты Марфы Рабковой было сабрана каля 200 паручальніцтваў. Аднак 12 лістапада судом было вынесена пастанова аб прадаўжэнні тэрміну ўтрымання пад вартай Марфы. Скарга на гэтую пастанову і разглядалася сёння, 14 снежня. Рашэнне суда было чаканым, адзначыў муж Марфы, Вадзім Жаромскі:
- Дом правасуддзя, дзе праходзіў разгляд скаргі Марфы Рабковай
"На жаль, суды Рэспублікі Беларусь не з'яўляюцца такімі ўжо свабоднымі ў прыняцці сваіх рашэнняў, а кіруюцца спушчанымі аднекуль зверху меркаваннямі аб тым, хто павінен сядзець, а хто – не".
Марфа Рабкова была затрыманая 17 верасня 2020 года. Яна з'яўляецца абвінавачанай паводле часткі 3 артыкула 293 КК РБ (навучанне ці іншая падрыхтоўка асоб для ўдзелу ў масавых беспарадках) і знаходзіцца ў СІЗА№1 горада Менска. Мера стрымання Марфы ў выглядзе заключэння пад варту была санкцыянаваная намеснікам пракурора горада Мінска.
Рукі прэч ад Марфы, рукі прэч ад "Вясны"!
Заява Рады ПЦ “Вясна” ў сувязі з затрыманнем Марфы Рабковай.
Amnesty International: Марфа Рабкова і ўсе палітвязні павінны быць неадкладна вызваленыя
Крыніца: Праваабаронца "Вясны" Марфа Рабкова застанецца пад вартай