У апошні дзень датэрміновага галасавання па выбарах прэзідэнта Рэспублікі Беларусь працягваецца ціск на назіральнікаў: ім тэлефануюць з міліцыі, выганяюць з участкаў і будынкаў, дзе размяшчаюцца ўчасткі, затрымлівае міліцыя, пагражаюць, праводзяць прафілактычныя гутаркі, асуджаюць на суткі. Кампаніі "Праваабаронцы за свабодныя выбары" вядомыя дзясяткі такіх выпадкаў, у тым ліку, у адносінах да назіральнікаў сваёй кампаніі. 8 жніўня працягваем збіраюць факты пераследу назіральнікаў па Беларусі. Як паведамляюць назіральнікі з участка для галасавання №104 і №105 Фрунзенскага раёна Мінска супрацоўнікі міліцыі ў цывільным праводзілі з імі прафілактычную гутарку. Незалежнага назіральніка ад кампаніі "Праваабаронцы за свабодныя выбары" Аляксандр Пятрэнку і назіральніцу Вольгу Каваленку на сам участак для назірання не пусцілі, таму яны вымушаныя былі назіраць пад мінскай школай №16. Але на іх выклікалі міліцыю. Пасля гутаркі ў машыне, іх адпусцілі. Супрацоўнікі міліцыі іх сказалі ім: "Падыйдзіце да школы — увязе АМАП".
Мінск
Вядома, што каля школы №59 была затрымана назіральніца Іва Амбражэвіч. Яе таксама не дапусцілі на ўчастак для назірання. Яна знаходзілася на тэрыторыі школы, дзе размяшчаецца ўчастак для галасавання №33 Фрунзенскага раёна, дзе яна акрэдытаваная.
Супрацоўнікі міліцыі забралі з 103-га ўчастка Фрунзенскага раёна двух назіральнікаў: Георгія Максіменку і Алену Бужынскую. Камісія напісала заяву на парушэнне імі грамадскага парадку. Іх даставілі ў Фрунзенскае РУУС. Учора Алена распавяла, як ёй пагражаў прадстаўнік улады, на што яна напісала заяву ў міліцыю.
На ўчастку №69 Першамайскага раёна Мінска затрыманы назіральнік Віктар Краўчанка. Вядома, што на Краўчанку напісала заяву дырэктарка школы школы №190 Людміла Шыцік. Віктара Краўчанку даставілі на Акрэсціна.
Каля 18:30 на ўчастках №49 і 50 Кастрычніцага раёну Мінска былі затрыманыя супрацоўнікамі міліцыі ў цывільным пяць назіральнікаў. Сярод іх — Аляксей Крылоў, Арцём Фядотаў.
На ўчастку №50 у Калодзішчах затрымалі назіральніка Сяргея Суворава.
У Мачулішчах на адным з выбарчых участкаў была затрымана назіральніцы ад ініцыятывы "Сумленныя людзі" Ганна Біцень нібы за парушэнне грамадскага парадку.
Нарач
Каля 10 гадзін на выбарчым участку ў Нарачы быў затрыманы назіральнік Дзяніс Краўчук. Яго забралі прама з выбарчага ўчастка і адвезлі ў Мядзельскі РУУС.
Браслаў
На 5-ым участку для галасавання ў Браславе быў затрыманы назіральнік ад ініцыятывы "Сумленныя людзі" Валер Трашчынскі.
Маладэчна
Супрацоўнікамі Маладзечанскага РАУС быў затрыманы назіральнік ад ініцыятывы "Сумленныя людзі" Уладзь Трэццяк.
Слуцк
На ўчастку №13 у Слуцку былі затрыманыя назіральніцы ад ініцыятывы "Сумленныя людзі" Валерыя Харэўка і Алла Трыко.
Хроніка пераследу назіральнікаў падчас датэрміновага галасавання:
Ціск на назіральнікаў падчас датэрміновага галасавання працягваецца
Затрыманні на выбарчых участках працягваюцца, назіральнікаў адпраўляюць на суткі
На выбарчых участках масава затрымліваць назіральнікаў. Спіс
У Мінску на ўчастках для галасавання затрымліваюць назіральнікаў
"Праваабаронцы за свабодныя выбары"
Крыніца: Мінімум 16 чалавек за дзень. Пераслед назіральнікаў працягваецца Дапоўнена