Гамяльчук Алег Максімаў звярнуўся з індывідуальным паведамленнем у Камітэт па правах чалавека ААН на незаконнае змяшчэнне ў ЛПП (лячэбна – працоўны прафілакторый).

Як паведамляе "Гомельская Вясна", яго змясцілі за неаднаразовае знаходжанне ў публічным месцы ў нецвярозым стане. На гэты момант за працу на шкоднай вытворчасці Алег Максімаў знаходзіўся на пенсіі, якая прыраўніваецца да пенсіі па ўзросту.

Не глядзячы на гэта, яго змясцілі ў ЛПП. Гамяльчук паспрабаваў абскардзіць рашэнне суду Савецкага раёну ў абласным і Вярхоўным судзе, але беспаспяхова. Пасля вызваленне ў ліпені 2019 года Алег Максімаў вырашыў звярнуцца ў КПЧ ААН.

Пра ўмовы ўтрымання ў ЛТП і акалічнасці справы – інтэрв’ю на ток – пляцоўцы «Медыяпрастора»

Крыніца: Алег Максімаў: ЛПП у Беларусі – гэта канцлагер з прымусовай працай