Чацвёртага снежня ў Полацку актывісты «Народнай грамады» зладзілі пікет у падтрымку незалежнасці Беларусі. Неўзабаве іх пачала расшукваць міліцыя Полацка.
Некаторыя ўдзельнікі акцыі атрымалі позвы ў полацкую міліцыю, некаторым з міліцыі тэлефанавалі. Супрацоўнікі міліцыі спрабавалі індэнтыфікаваць асобаў на фотаздымку, распавёў Юрый Касач, жыхар Наваполацку для "Радыё Рацыя".
"Яны спрабавалі “разгаварыць” мяне на сваю тэму. Пыталіся: “Што такое незалежнасць для вас?” Я адказаў, што незалежнасць для мяне – гэта падпарадкаванне закону, і што міліцыянты павінны лавіць бандытаў. Бо іх канчатковая мэта – гэта каб я паболей распавёў пра іншых людзей, якіх хочуць пакараць, гэтаксама як і мяне".
На дадзены момант праваабаронцам вядома, што будуць судзіць чатырох актывістаў.
- Парчынскага Яўгенія (24 студзеня, верагодна суд Новополоцка),
- Парчынскага Вячаслава (11.00, 24 студзеня, суд Полацка і Полацкага раёна).
- Валяева Ігара (12 00, 24 студзеня, суд Наваполацка)
- Аглушэвіч Святланай (10.00, 24 студзеня, суд Полацка і Полацкага раёна).
Пікет за незалежнасць адбыўся каля Сафійскага сабору. Актывісты трымалі ў руках бел-чырвона-белыя сцягі і літары, з якіх склалі слова «незалежнасць».
Суды за акцыі ў падтрымку незалежнасці не спыняюцца. Расклад на студзень
Навіны ад Spring96.org у Telegram. Падпішыся на наш канал https://t.me/viasna96
Крыніца: Актывістаў “Народнай грамады” будуць судзіць за полацкую акцыю за незалежнасць