21 сакавіка Брэсцкі абласны суд вынес рашэнне па справе Сяргея Санюты, якога абвінавачваюць у здзяйсненні злачынства па ч. 1 арт. 130 "Распальванне расавай, нацыянальнай, рэлігійнай альбо іншай сацыяльнай варожасці або варажнечы".
Судовае пасяджэнне ўзначаліў Мікалай Сянько, бок дзяржабвінавачання падтрымліваў Аляксей Ярошык.
Сяргея Санюту абвінавачваюць у тым, што 12 жніўня 2020 года ў тэлеграм-чаце "Барановичи 97%" ён пакінуў паведамленне, у якім пазней супрацоўнікі міліцыі ўгледзелі заклікі да гвалту.
Як паведамляе "Брэсцка Вясна", гаворка ідзе пра наступнае паведамленне:
Заклікі да гвалту, па версіі абвінавачвання, утрымліваюцца ў фразах "ищите тихарей, бейте их толпой” і ”выманивайте ОМОН в засады”.
Падчас суда Сяргей Санюта цалкам прызнаў сваю віну і раскаяўся.
У якасці пакарання для яго пракурор запытаў тры гады пазбаўлення волі.
Вядома, што да суда абвінавачаны знаходзіўся пад арыштам. За гэты час яго паспелі асудзіць яшчэ і па ч. 2 арт. 19.11 КаАП за "захоўванне экстрэмісцкіх матэрыялаў з мэтай распаўсюджвання". 17 студзеня баранавіцкі суддзя Кміта прысудзіў па гэтай справе абвінавачанаму 20 базавых велічынь штрафу, а гэта 640 беларускіх рублёў, і пастанавіў канфіскаваць тэлефон Сяргея "як сродак учынення правапарушэння". Тым жа днём той жа суддзя Кміта асудзіў па той жа ч. 2 арт.19.11 і жонку Сяргея - Яну. Аднак пра вынікі гэтага судовага пасяджэння праваабаронцы не ведаюць.
21 сакавіка Брэсцкі абласны суд прызнаў Сяргея Санюту вінаватым у здзяйсненні злачынства па ч. 1 арт. 130 «Распальванне расавай, нацыянальнай, рэлігійнай альбо іншай сацыяльнай варожасці або варажнечы» і прызначыў яму тры гады пазбаўлення волі з адбыцыем пакарання ў калоніі агульнага рэжыму.
«Вясна» збірае інфармацыю з «палітычных» судовых пасяджэнняў, што адбываюцца па ўсёй краіне. Калі ласка, дасылайце нам аўдыё і тэкставую інфармацыю ў Telegram: @ViasnaSOS, @spring96info і Email: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. |