Савельеў патлумачыў, што пра “палітыку” не вялося – што падчас штогадовага карпаратыву гучалі розныя жарты, і ён сам проста пажартаваў пра калегу. Якога, дарэчы, падчас сустрэчы не было, але які нібыта і звярнуўся ў міліцыю.

Віталій Савельеў спраўдзіў, ці насамрэч калега звяртаўся ў чат-бот, і атрымаў адмоўны адказ. Усю гэтую гісторыю ён распавёў у сваім Tik-Tok-канале, і на гэты відэаролік звярнуў увагу Telegram-канал “Витебск, я гуляю! | Новости Витебска”.

Вядучы абураны: ён не чакаў, што нехта з калег здольны напісаць данос. У каментарах да відэароліка нехта яго падтрымлівае і абураецца таксама, згадваючы практыку 1937-га году, а нехта раіць не жартаваць пра адсутных. Хтосьці просіць выкласці сам жарт, каб разумець аб’ектыўную карціну, а хтосьці мяркуе, што”падставіць” вядучага маглі ягоныя канкурэнты.

"У сучасным свеце гэта вельмі сур'ёзнае абвінавачанне. Кепска, што гэта можа сапсаваць жыццё табе і тваёй сям'і", - канстатуе Віталій Савельеў.

Алег Рубцоў