“Падуліковых грамадзян” спачатку выклікалі на гутарку пра неабходнасць весці законапаслухмяны лад жыцця, а потым давалі ў рукі граблі і мяцёлкі. Мерапрыемства рабілі “комплексным”, таму праслухаць “тэарэтычную частку” і пайсці дахаты было нельга.

Такім чынам толькі з першых дзён кастрычніка “сацыялізавалі” тых, хто стаіць на ўліку ў КВІ, у Шумілінскім, Расонскім, Чашніцкім, Полацкім, Дубровенскім, Аршанскім раёнах. А таксама ў Віцебску, дзе “падуліковых” асобаў накіравалі прыбіраць лісце ў гарадскім заапарку, і ў Мёрах – там працы было больш за ўсё, бо райцэнтр рыхтавалі да абласных “Дажынак”.

Удзел у падобных  мерарпрыемствах для тых, хто стаіць на ўліку ў крымінальна-выканаўчай інспекцыі, - справа абавязковая. І “добраахвотная” праца ў тым ліку.  Інакш  іх наступае адказнасць паводле арт. 24.3 КаАП – за непадпарадкаванне патрабаванням супрацоўнікаў міліцыі, і за гэта чакае пакаранне – ад штрафа да прымусовых прац і нават арышта.

Сяргей Анікеенка