Праваабарончы цэнтр "Вясна" збірае факты палітычнага пераследу па ўсёй краіне за чацвёртага жніўня. Людзей працягваюць затрымліваць па крымінальных справах, праводзіць вобшукі і ўжываць іншыя формы ціску за іх актыўную пазіцыю. Калі вас ці вашых блізкіх затрымалі, паведамляйце нам:
|
Мінск
Ранкам супрацоўнікі КДБ прыйшлі з ператрусам да філосафа і метадолага, заснавальніка Лятучага ўніверсітэту Уладзіміра Мацкевіча. Яго прававы статус пакуль невядомы.
Таксама ператрусы адбыліся ў каардынатаркі Лятучага ўніверсітэту, аналітыка і сацыёлага Таццяны Вадалажскай і паплечніка Мацкевіча, былога кіраўніка EuroBelarus Улада Вялічкі. Абодвух пался ператрусаў затрымалі і павезлі ў Следчы камітэт. Вядома, што ў пастанове на вобшук у кватэры Вялічкі значылася больш за дзясятак артыкулаў Крымінальнага кодэксу.
"Вясне" стала вядома, што палітычны зняволены Дзмітрый Кулакоў збег з «хіміі» і з'ехаў з Беларусі. Зараз ён знаходзіцца ў іншай краіне.
Дзмітрыя асудзілі на 3 гады і 6 месяцаў абмежавання волі з накіраваннем у папраўчую ўстанову адкрытага тыпу за тое, што ён абражаў і пагражаў гвалтам супрацоўнікам міліцыі ў тэлеграм-чаце. Мужчына адбываў пакаранне ў папраўчай установе адкрытага тыпу №49 у Шклове.
Будзе дапоўнена
Крыніца: Новыя затрыманні аналітыкаў у Беларусі. Хроніка пераследу 4 жніўня