У адкрытым выязным судовым пасяджэнні Салігорскага раённага суда, якое адбылося ў будынку мясцовага РАУСа 24 лістапада, разгледжаная крымінальная справа мясцовага жыхара К. за публічную абразу прадстаўніка ўлады ў сувязі з выкананнем ім службовых абавязкаў (369 КК РБ). Праваабаронцам пакуль невядомае прозвішча асуджанага мужчыны 1992 года нараджэння.
"Штраф у памеры 200 базавых велічынь і канфіскацыя мабільнага тэлефона - такі прысуд суда ў дачыненні да 28-гадовага мясцовага жыхара, які ў сацыяльнай сетцы "ВКонтакте" ў адкрытым доступе размясціў каментар абразлівага ўтрымання на адрас аднаго з кіраўнікоў Салігорскага РАУС", — гаворыцца ў вірэароліку, размешчаным на ютуб-канале УУС Мінскага аблвыканкама.
У судовым пасяджэнні ён растлумачыў, што віну прызнае цалкам і раскайваецца — хадайнічаў улічваць пры прызначэнні пакарання цяжарнасць яго жонкі. Акрамя таго, грамадзянін абавязаны выплаціць 2 тысячы рублёў кампенсацыі пацярпеламу супрацоўніку органаў унутраных спраў - як і сваю віну, пазоў ён прызнаў у поўным аб'ёме.
Прысуд суда ў законную сілу не ўступіў і можа быць абскарджаны, паведамляе vkurier.info.
Жлобін: за знявагу супрацоўніка міліцыі ў чаце - два гады "хіміі"
Жыхар Віцебска атрымаў два гады "хіміі" за абразу супрацоўніка АМАПу ў адным з тэлеграм-каналаў, паведамляе Генпракуратура.
Па версіі следства, 40-гадовы мужчына 27 жніўня ў адным з тэлеграм-каналаў размясціў фота і дадзеныя супрацоўніка АМАПу і нецэнзурна выказаўся аб яго працы і асобе.
Суд Першамайскага раёна Віцебска прысудзіў падазраванага да двух гадоў абмежавання волі з накіраваннем у выпраўленчую ўстанову адкрытага тыпу.
Мужчына павінен таксама выплаціць амапаўцу 500 рублёў кампенсацыі, паведламляе сайт naviny.media.
На жыхара Мазыра, які пасля перанесеных катаванняў, выказаўся пра міліцыянтаў, завялі крымінальную справу
Крыніца: Расце колькасць крымінальных спраў за абразу супрацоўнікаў міліцыі ў інтэрнэце