На пасяджэнні Цэнтральнай камісіі па выбарах і правядзенні рэспубліканскіх рэферэндумаў 14 ліпеня праходзіць рэгістрацыя кандыдатаў у прэзідэнты Рэспублікі Беларусь.
Будуць разглядацца кандыдатуры шасці прэтэндэнтаў:
Аляксандр Лукашэнка, дзейны прэзідэнт Беларусі;
Віктар Бабарыка, экс-банкір, былы кіраўніка «Белгазпрамбанку», які знаходзіцца за кратамі і прызнаны палітвязнем;
Святлана Ціханоўская, жонка блогера Сяргея Ціханоўскага, які з 29 траўня знаходзіцца за кратамі і прызнаны палітвязнем;
Ганна Канапацкая, экс-дэпутатка Палаты прадстаўнікоў;
Андрэй Дзмітрыеў, сустаршыня руху "Гавары праўду";
Сяргей Чэрачань, старшыня Беларускай сацыял-дэмакратычнай партыі "Грамада".
У былога кіраўніка Парка высокіх тэхналогій Валерыя Цапкалы, пасля праверкі засталося толькі 75 тысяч подпісаў з 160 тысяч, чаго недастаткова для рэгістрацыі.
Першым пытаннем ЦВК заслухала інфармацыю старшыняў абласных выбарчых камісій аб устанаўленні колькасці выбарцаў, якія аддавалі свае галасы за прэтэндэнтаў, а таксама інфармацыю аб заўважаных пры гэтым парушэннях, колькасці пададзеных у камісіі скаргаў і вынікі іх разгляду.
Таксама на пасяджэнні ЦВК будуць зацвярджаць спісы давераных асобаў зарэгістраваных кандыдатаў і іх фінансавых прадстаўнікоў.
Крыніца: ЦВК рэгіструе кандыдатаў у прэзідэнты Беларусі Дапоўнена