Як паведамляе Legalize Belarus у фэйсбуку, да арыштаванага на 15 сутак за ўдзел у мірнай акцыі пратэсту Стаса Шашка ужо пяты дзень не пускаюць адваката. Ён адбывае адміністратыўнае пакаранне ў ізалятары на Акрэсціна. Прычына: месцаў няма, усе кабінеты занятыя. У якіх умовах і ў якім стане адбывае пакаранне актывіст — невядома.
Аналагічная сітуацыя раней адбылася з актывістам Legalize Belarus Пятром Маркелавым, якога раней асудзілі на 15 сутак за патрабаванне пералічыць галасы на выбарчым участку. Тады Пётр паведамляў, што знаходзіцца ў цяжкіх умовах: у камеры антысанітарыя і вошы.
Нагадаем, увечары 26 снежня актывіста затрымалі супрацоўнікі міліцыі ў пад'ездзе ўласнага дома. 27 снежня суд Маскоўскага раёна г. Мінска абвінаваціў Стаса Шашка ва ўдзеле ў несанкцыянаванай акцыі 20 снежня паводле артыкула 23.34 КаАП. Суддзя Таццяна Мотыль прызначыла ему пакаранне — 15 сутак. Ён выйдзе на волю 10 студзеня.
За рэалізацыю права на свабоду мірных сходаў, калядныя святы Стас Шашок правядзе за кратамі. Дасылайце яму віншаванні і словы падтрымкі ў Цэнтр ізаляцыі правапарушальнікаў па адрасу: завулак 1-й Акрэсціна 36, Мінск, 220089.