Калі вы грамадзкі актывіст/актывістка і маеце ідэі, але не ведаеце, дзе знайсці сродкі для іх рэалізацыі, то вам трэба паўдзельнічаць у трэнінгу, які ладзіць Асамблея НДА. Дасведчаныя экспэрты і экспэрткі распавядуць вам, дзе ў Беларусі грошы і як іх атрымаць.

Асамблея НДА арганізуе чатыры аднадзённыя трэнінгі: 21 верасня, 12 і 26 кастрычніка, 30 лістапада. Падаць заяўку.

Мэта трэнінгу: развіццё практычных навыкаў грамадскіх лідэраў і лідэрак па прыцягненні ўнутраных рэсурсаў для фінансавання дзейнасці іх арганізацый ды ініцыятыў.

Падчас трэнінгу ўдзельнікі і ўдзельніцы:

• Атрымаюць базавую інфармацыю пра існуючыя магчымасці ўнутранага фінансавання ў Беларусі.
• Даведаюцца, як шукаць падтрымку ў бізнэса.
• Навучацца карыстацца краўдфандынгавымі пляцоўкамі.
• Створаць чарнавікі ідэй, кампаній, акцый, на якія можна знайсці сродкі ўнутры Беларусі.
• Натхняцца на правядзенне ўласных краўдфандынгавых кампаніяў і (або) партнёрскіх з лакальным бізнэсам.

Арганізатары забяспечаць харчаванне, кампенсуюць выдаткі на праезд.

Час: з 11:00 да 19:00. 

Запоўніць анкету на ўдзел у трэнінгу.

Месца будзе паведамлена адабраным удзельнікам.

Апошні тэрмін падачы заявак на трэнінг 21 верасьня - 16 верасня. Пра вынікі адбору на першы трэнінг будзе паведамлена 17 верасня.

Крыніца: Асамблея НДА запрашае на трэнінг “Дзе ў Беларусі грошы і як іх атрымаць”