25.11.2022 Тэгі: суды, крымінальны перасьлед, грамадства, палітвязьні Сёння ў Мінскім гарадскім судзе агучылі вырак палітвязню, бацьку семярых дзяцей Максіму Лацунцэвічу. Яго прызналі вінаватым паводле арт. 130 («Распальванне сацыяльнай варожасці і варажнечы»), а таксама паводле арт. 369 («Абраза прадстаўніка ўлады») Крымінальнага кодэкса і асудзілі да года і дзесяці месяцаў калоніі ва ўмовах агульнага рэжыму. 

Таксама ён мусіць выплаціць штраф у памеры 100 базавых велічынь (3200 беларускіх рублёў). Такі прысуд вынесла Алена Касцюкевіч. 

Максім быў затрыманы 29 верасня 2021 года ў межах «справы Зельцэра». Такім чынам, пасля пераліку пакарання з улікам тых дзён, што ён ужо правеў у зняволенні, яму засталося быць за кратамі крыху менш за месяц.

Падтрымаць палітвязня лістамі салідарнасці, пасылкамі і грашовымі пераводамі можна па адрасе: Следчая турма № 8. 222163, Жодзіна, Савецкая, 22А

Крыніца: Бацьку семярых дзяцей асудзілі на год і дзесяць месяцаў калоніі