Аршанская міліцыя пачала шукаць удзельнікаў акцыі з дапамогай фатаграфіяў на сайтах і ў сацыяльных сетках, а таксама з дапамогай вулічных камэр назіраньня і запісаў са стадыёну.
Паведамляецца, што ў аўторак 18 лістапада ў горадзе пачалася аблава на фанатаў. Моладзь выклікалі да ўчастковых, забіралі з вучобы і працы, з дамоў. Фанаты кажуць, што часам з дамоў іх забіралі амапаўцы, хаця маладыя людзі не зьбіраліся супраціўляцца. За першы дзень аблавы, паводле слоў відавочцаў, было затрымана каля 20-25 чалавек. Сярод іх былі і тыя, хто ня меў дачыненьня да шэсьця.
19 лістапада аблава працягнулася, гэтым разам затрымоўвалі пераважна паўнагадовых фанатаў футбольнай каманды. Непаўнагадовым давалі падпісваць пратаколы тлумачэньня і адпускалі, на паўнагадовых складалі пратаколы за ўдзел і арганізацыю несанкцыянаванага шэсьця. Суд аштрафаваў за акцыю трох чалавек.
Паведамляецца, што міліцыя дагэтуль працягвае шукаць фанатаў, якія ўдзельнічалі ў шэсьці.