«Мы дамовіліся з братам сустрэцца днём і разам пайсьці на выбарчы ўчастак, які месьціцца ў СШ №3, каб зарэгістравацца назіральнікамі. Але ён не прыйшоў і на званкі не адказваў. Толькі ўвечары мне паведамілі ў РАУС, куды я нарэшце дазваніўся, што Ўладзімер ужо знаходзіцца ў ізалятары часовага ўтрыманьня», – расказаў Яраслаў Кійко.
Нагадаем, Уладзімер Кійко быў затрыманы 6 ліпеня, правёў суткі да суду ў ІЧУ і на наступны дзень быў пакараны судом Кастрычніцкага раёну Віцебску на 10 сутак адміністрацыйнага арышту за ўдзел у «ланцугу салідарнасьці» (ч.3 арт. 23.34 КаАП). Але пакараньне не адбыў: у той жа дзень, 7 ліпеня, быў вызвалены зь ізалятару без тлумачэньняў прычын. Ягоную скаргу на пастанову райсуду Віцебскі абласны суд не задаволіў.
Уладзімер Кійко застанецца за кратамі ізалятару да 12 жніўня.
Некалькі дзён таму ў Наваполацку і Воршы былі затрыманыя актывісты Андрэй Зуеў, Артур Сінега, Аляксандар Андрэеў і Генадзь Ларыёнаў. Іх таксама зьмясьцілі ў мясцовыя ізалятары адбываць «адкладзеныя» арышты. Паводле жонкі Андрэя Зуева, яго перавезьлі ў віцебскі ІЧУ. Усе чацьвёра актывістаў былі пакараныя раней адміністрацыйнымі арыштамі на 15 сутак.
Зьміцер Міраш
Камэнтуйце гэтую навіну на нашай старонцы ў facebook!