Судны дзень у Воршы: штрафы і арышты за ўдзел у «Маршы недармаедаў»
13 сакавіка судзілі ўдзельнікаў акцыі пратэсту, што адбылася ў Воршы напярэдадні. Як паведамлялася раней, у дзень правядзеньня мітынгу і шэсьця ў горадзе было затрымана каля 20-ці чалавек. Большасьць зь іх былі адпушчаныя менш як праз 3 гадзіны пасьля затрыманьня. 8 чалавек былі адпраўленыя ў ізалятар часовага ўтрыманьня.
Ворша: 1000 пратэстоўцаў і звыш 20-ці затрыманых
Найвялікшая ў гісторыі гораду за апошнія дзесяцігодзьдзі акцыя пратэсту адбылася ў Воршы 12 сакавіка. У «Маршы недармаедаў» тут узялі ўдзел звыш тысячы чалавек. Больш за 20 чалавек – арыштаваныя. Затрыманьні пачаліся яшчэ да пачатку акцыі пратэсту. Сярод арыштаваных – незалежныя журналісты і палітычныя дзеячы. Суды над імі адбудуцца 13 сакавіка.
Павал Севярынец падзяліўся зь віцебчукамі плянамі сьвяткаваньня стогадовага юбілею БХД
Увечары 19 лістапада ў «Эўрапейскім клюбе» адбылася сустрэча з сустаршынём аргкамітэту па стварэньні партыі «Беларуская хрысьціянская дэмакратыя» Паўлам Севярынцам і аўтарамі «Беларускай хрысьціянскай азбукі», якую ўпершыню прэзэнтавалі ў Віцебску.
Паўлу Севярынцу вынесенае афіцыйнае папярэджаньне
8 траўня сустаршыня аргкамітэту па стварэньні партыі «Беларуская хрысьціянская дэмакратыя» Павал Севярынец быў выкліканы ў крымінальна-выканаўчую інспэкцыю Фрунзэнскага раёну Менску, дзе яму вынесьлі афіцыйнае папярэджаньне «пра недапушчальнасьць супрацьпраўных дзеяньняў». Павал Севярынец зьвязвае гэта з чэмпіянатам сьвету па хакеі, які распачынаецца ў Менску.
Павал Севярынец верыць у магчымасьць абраньня адзінага кандыдата ад апазыцыі
«Імавернасьць выхаду на адзінага кандыдата ёсьць, яна досыць высокая. Падзеі ва Ўкраіне, агрэсія з боку Расеі паказалі, наколькі ўсё сур’ёзна, што мы можам страціць краіну, калі ня будзем рэалізоўваць моцныя сцэнары», - заявіў сустаршыня аргкамітэту па стварэньні партыі «Беларуская хрысьціянская дэмакратыя», былы палітвязень Павал Севярынец.
У Віцебску зьбіраліся хрысьціянскія дэмакраты
У Віцебску адбылася абласная рада аргкамітэту па стварэньні партыі “Беларуская хрысьціянская дэмакратыя”, на якой прысутнічалі больш за 40 чалавек з Віцебску, Воршы, Полацку, Наваполацку, Глыбокага, Браслава, Бешанковічаў, Сянна, Аршанскага і Віцебскага раёнаў, а таксама сустаршыні БХД Павал Севярынец і Віталь Рымашэўскі. Падчас сустрэчы было абмеркаванае становішча ў Беларусі, адзінства апазыцыі і абраньне адзінага кандыдата, мясцовая кампанія, патрэба маральнай рэвалюцыі ў Беларусі. Апроч таго, адбыўся ўстаноўчы сход грамадзкага аб’яднаньня “Хрысьціянскія дэмакраты Віцебшчыны”.
Павал Севярынец: ЭЗ ня ведае, што рабіць з Лукашэнкам
Сустаршыня БХД Павал Севярынец камэнтуе апошняе рашэньне Эўразьвязу пра карэктоўку “чорных сьпісаў”: “Рашэньне Эўразьвязу адкрыта слабое. Гэта сьведчыць пра тое, што Эўразьвяз дагэтуль ня мае стратэгіі ў адносінах да Беларусі і ня ведае, што рабіць зь беларускім рэжымам. Безумоўна, гэтае рашэньне не спрыяе дэмакратызацыі нашай краіны. Аднак адказнасьць за беларускую сытуацыю ляжыць на нас, на беларусах. Мы ня можам загадваць эўрапейцам, што рабіць, а чаго не рабіць, мы можа толькі ацэньваць эфэктыўнасьць тых ці іншых крокаў”.
Павал Севярынец узяў удзел ва ўсталяваньні крыжоў у Курапатах
У Курапатах усталявалі 8 новых крыжоў. Яны зьявіліся з таго боку Менскай кальцавой дарогі, дзе раней крыжоў не было. Актывісты аргкамітэту БХД паставілі крыжы 27 кастрычніка пасьля паседжаньня Нацыянальнай рады. На ім хрысьціянскія дэмакраты абмяркоўвалі свой удзел у будучых выбарчых кампаніях. Упершыню пасьля 2010 году паседжаньне вёў Павал Севярынец.
Павал Севярынец на волі
Сустаршыня аргкамітэту па стварэньні партыі “Беларуская хрысьціянская дэмакратыя” (БХД), былы палітвязень Павал Севярынец “удзячны Богу” за тры гады, якія ён правёў у спэцкамэндатуры № 7 (вёска Куплін Пружанскага раёну Берасьцейскай вобласьці) па прыгаворы суду. Пра гэта палітык заявіў журналістам 19 кастрычніка ў Менску, куды ён прыбыў адразу пасьля вызваленьня.
Перад вызваленьнем палітвязьня спэцкамэндатура пагадзілася прыняць ад яго падарунак
Адміністрацыя спэцкамендатуры ў вёсцы Куплін Пружанскага раёну (папраўчай установы адкрытага тыпу) нарэшце прыняла ў дар ад палітзьняволенага Паўла Севярынца бойлер. Яго ў самы пачатку знаходжаньня Севярынца ў спэцкамэндатуры прывезьлі сябры БХД з Кобрыну. Але тады адміністрацыя адмовілася прыняць: маўляў, шмат дакумэнтацыі патрэбна аформіць.