Актывісты “Гавары праўду” зь Віцебску правялі падпісную кампанію пад патрабаваньнем да мясцовых уладаў даць справаздачу аб расходаваньні сродкаў гарадзкога бюджэту. Пад зваротам, адрасаваным у мясцовыя выканаўчыя ворганы ўлады “Хочам ведаць, куды ідуць нашы грошы!», падпісалася звыш зп пяцьдзясят чалавек.

Актывісты «Гавары праўду», руху “За свабоду”, аргкамітэту БХД, сабраліся разам для абмеркаваньня правядзеньня Дня Волі ў Віцебску, нягледзячы на афіцыйную забарону мясцовых уладаў. Удзельнікам сустрэчы было прапанавана напярэдадні сьвяткаваньня Дня Волі напісаць лісты палітвязьням. Усім прысутным былі раздадзеныя адмысловыя буклеты з адрасамі палітвязьняў, улёткі. Удзельнікамі сустрэчы было напісана каля 40 лістоў.

У Воршы 16 лютага адбыўся сход актыву кампаніі «Гавары праўду» Віцебскай вобласьці. Да больш як 20 актывістаў зь Віцебску, Воршы, Коханава, Полацку, што сабраліся, прыехаў сябра цэнтральнага штабу кампаніі Сяргей Вазьняк. Размова пайшла пра зробленую працу і пляны на будучыню.

Прэзэнтацыя адбылася 11 кастрычніка. Офіс дэпутатаў Грамадзянскага Дагавору – першае зьвяно ў новым праекце кампаніі «Гавары праўду», заявілі ініцыятары адкрыцьця офісу. Усяго ў Беларусі будзе адкрыта 18 гэткіх офісаў. Яны будуць працаваць у тых рэгіёнах, дзе кампаніяй «Гавары праўду» былі падтрыманыя кандыдаты ў дэпутаты Палаты прадстаўнікоў 5-га скліканьня. Офіс дэпутатаў Грамадзянскага Дагавору ў Віцебску пакуль што складаецца з трох удзельнікаў электаральнай кампаніі – Лідзіі Сагідулінай, Сяргея Парсюкевіча і Аляксандра Мікуліна.

Каардынатар кампаніі «Гавары праўду» ў Віцебску Сяргей Парсюкевіч падаў 13 верасьня ў Віцебскі гарвыканкам і гарсавет чатыры калектыўных звароты грамадзян з настойлівымі просьбамі аб вырашэньні надзённых праблем. Нагадаем, у канцы жніўня акруговая камісія не зарэгістравала Сяргея Парсюкевіча ў якасьці кандыдата, забракаваўшы подпісы выбаршчыкаў. Цяпер ён прадставіў на разгляд дзейным дэпутатам гарадзкога савету і чыноўнікам гарвыканкаму калектыўныя звароты, пад якімі падпісаліся 600 віцяблян. Гэтыя подпісы – не збракуеш.