Уладзімер Мацкевіч – самавылучэнец па Віцебскай-Чыгуначнай выбарчай акрузе №19. Паводле ягоных слоў, у яго даўняе і прынцыповае супрацьстаяньне зь мясцовымі чыноўнікамі, міліцэйскімі начальнікамі і кіраўніцтвам Чыгуначнага раёну. Цягам многіх гадоў Мацкевіч змагаецца за свае правы.
Зарэгістраваўшыся ў якасьці патэнцыйнага кандыдата, мужчына хоча ня толькі казаць людзям аб надзённых праблемах, але і “напружыць па поўнай праграме” мясцовых чыноўнікаў.
Пэнсіянэр ходзіць зьбіраць подпісы і па кватэрах віцяблян. Расказвае, што гараджане вельмі запалоханыя і баяцца ставіць подпісы за чалавека, які адкрыта выступае супраць уладаў. Кажа, што найбольш запалоханыя мужчыны: баяцца адкрыта выказваць свае меркаваньні, каб ня страціць працу.
На думку Уладзімера, ва ўмовах адсутнасьці свабоды слова, рэальных грамадзянскіх правоў і дэмакратычных інстытутаў у нашай краіне, турма насамрэч стала тым сымбалем, які найбольш выразна характарызуе гэтыя выбары.
Уладзімер Бяляўскі