Абодва лічаць, што ім адмовілі з палітычных прычын, бо яны зьяўляюцца сябрамі руху «За свабоду» і партыі БНФ, у складзе іх ініцыятыўных групаў знаходзіцца старшыня руху «За свабоду» Аляксандар Мілінкевіч. У сваёй скарзе ў Сьледчы камітэт палітыкі пазначаюць прычыны, па якіх лічаць адмову ў рэгістрацыі незаконнай. У прыватнасьці тое, што большасьць выбаршчыкаў, якія падпісалі заявы, нібыта яны ня ставілі подпісы, на паўторнай праверцы заявілі: яны зрабілі гэта, таму што іх увялі ў зман.
Жаляпаў і Гаўруцікаў просяць праверыць факты парушэньня заканадаўства сябрамі Віцебскай гарадзкой выбарчай камісіі, за парушэньне заканадаўства і падлог дакумэнтаў прыцягнуць да крымінальнай адказнасьці старшыню Віцебскай гарадзкой выбарчай камісіі па выбарах дэпутатаў гарадзкога Савету дэпутатаў Валянціну Казакоўскую.
Сьледчы камітэт Беларусі адказаў, што скарга зарэгістраваная і перанакіраваная для разгляду ва Ўпраўленьне ўнутраных спраў Віцебскага аблвыканкаму.