У панядзелак, 27 сакавіка, у Віцебску прайшлі судовыя працэсы над людзьмі, якія былі затрыманыя напярэдадні, 25 і 26 сакавіка, падчас масавых акцыяў, што праходзілі ў горадзе.

Нягледзячы на тое, што мясцовыя ўлады Віцебску забаранілі мітынгі ды шэсьце 25 сакавіка, апоўдні больш за сотню грамадзянаў выйшлі на плошчу Перамогі. Пасьля людзі прайшлі калёнай да помніку князю Альгерду, памятнай дошкі Васілю Быкаву і манумэнта Ўладзімеру Караткевічу, ушанаваўшы кветкамі гэтых знакавых асобаў беларускай нацыянальнай гісторыі.

Віцебскія актывісты грамадзкага аб’яднаньня «Рух “За свабоду”» абмеркавалі лютаўскія акцыі пратэсту супраць дэкрэту №3, якія адбыліся ў краіне і горадзе, і вызначылі сваё стаўленьне да агульнай палітычнай сытуацыі і фармату ўдзелу ў сьвяткаваньні Дня Волі.

У Кастрычніцкім раённым судзе гораду Віцебску 14 сьнежня слухалася справа Жаляпава Хрыстафора Савельевіча, мясцовага актывіста руху «За свабоду» і сябра партыі БНФ. Яго абвінавачвалі паводле часткі 1 артыкулу 23.34 Адміністрацыйнага кодэксу ў тым, што ён нібыта арганізаваў несанкцыянаваны пікет і хадзіў зь бел-чырвона-белым сьцягам каля помніка Караткевічу, чым выказваў свае грамадзка-палітычныя погляды і інтарэсы.

Жыхары Віцебску ўсклалі кветкі да помніку Караткевічу. 86-я гадавіна з дня нараджэньня пісьменьніка – дата, вядома, не юбілейная, але ад таго ня менш значная, як і асоба творцы. Мерапрыемства было амаль спантанным. Каля надзвычай ўдалага помніку скульптара Івана Казака сабралася толькі крыху больш за 20 чалавек, якія не забыліся на дзень народзінаў знакамітага земляка.

8 кастрычніка ў Віцебску ў «Эўрапейскім доме» прайшлі адразу дзьве канфэрэнцыі руху «За свабоду». Спачатку рухаўцы ўсходняй часткі Віцебшчыны абралі сваіх дэлегатаў на рэспубліканскую канфэрэнцыю, а пасьля на абласной канфэрэнцыі прадстаўнікі з рэгіёнаў вызначыліся з новым каардынатарам ўсёй вобласьці.

Помнік у гонар паўстанцаў 1863 году ў вёсцы Пагосьцішча Лёзьненскага раёну зьявіўся з ініцыятывы мясцовай настаўніцы Алены Грачышнікавай ў 2006 годзе. Але апякуюцца ім пераважна аршанцы, і нездарма: бо помнік пастаўлены ў гонар апошняга бою паўстанцаў менавіта Аршанскага атраду. Той бой адбыўся 26 красавіка 1863 году. Ужо трэці год аршанцы прыяжджаюць сюды 28 жніўня – у дзень расстрэлу камандзіра атраду Ігната Будзіловіча.

Хрыстафор Жаляпаў вядомы жыхарам Віцебску як адзін зь лідэраў дэмакратычнага руху гораду і ўсяго рэгіёну. У цяперашні час ён узначальвае грамадзкую арганізацыю «Самакіраваньне і грамадзтва», а таксама зьяўляецца каардынатарам руху «За свабоду» па Віцебскай вобласьці.

28 красавіка ў «Эўрапейскім клюбе» Віцебску кіраўнік аддзяленьня амбасады Швэйцарскай Канфэдэрацыі ў Рэспубліцы Беларусь спадар Эбішэр Паскаль сустрэўся з прадстаўнікамі дэмакратычнай супольнасьці гораду і вобласьці. Сустрэча прайшла ў атмасфэры ўзаемаразуменьня і зацікаўленага абмеркаваньня.

У нядзелю, 28 лютага, у Віцебску адбылася справаздачна-выбарная канфэрэнцыя абласной арганізацыі партыі БНФ. Партыйцы выбралі новы склад абласной рады. Яе новым старшынём стаў Кастусь Смолікаў, кандыдатуру якога сябры рады падтрымалі адзінагалосна.