У Воршы памянялі скандальнага старшыню райвыканкаму
Пра тое, што кіраўніком Аршанскага райвыканкаму прызначаны Аляксандар Пазьняк, паведамляе афіцыйны сайт Аляксандра Лукашэнкі. Лёс ягонага папярэдніка Леаніда Пянькоўскага не ўдакладняецца. Пянькоўскі адпрацаваў на пасадзе менш за тры месяцы.
Работнікі «Віцебскэнэрга» абураныя прымусовай падпіскай на дзяржаўную прэсу
Дырэктарам філіялаў быў адпраўлены загад за подпісам намесьніка генэральнага дырэктара П. І. Харытонава пра пачатак абавязковай ведамаснай і індывідуальнай падпіскі на першае паўгодзьдзе 2017 году.
Газэта «Віцьбічы» падказвае выбаршчыкам, за каго галасаваць?
Перадвыбарчыя праграмы некаторых кандыдатаў у дэпутаты, надрукаваныя ў 104-м нумары газэты «Віцьбічы», маюць заўважныя візуальныя адрозьненьні ад астатніх. Буйнейшы шрыфт і выдзяленьне неабходнага тэксту ў праграмах праўладных кандыдатаў наводзіць на думку: сродкамі друку выбаршчыкаў падбухторваюць галасаваць за кандыдатаў ад улады.
Газэта “Віцьбічы” асьвятляе падзеі выбарчай кампаніі з пазыцыі заангажаванасьці
Відавочнае памкненьне прадставіць чытачам аднабаковую інфармацыю, ігнаруючы факты і зьявы, зьвязаныя зь дзейнасьцю ў горадзе прадстаўнікоў апазыцыйных партыяў і рухаў.
«Советская Белоруссия»: Апазыцыянэры толькі балбочуць, лайдачаць, інтрыгуюць і падстаўляюць адно аднаго
Газэта «Советская Белоруссия», орган Адміністрацыі прэзыдэнта, апублікавала артыкул пра актывіста апазыцыйнай Аб'яднанай грамадзянскай партыі зь Мёраў. Карэспандэнт газэты піша, што ў рэдакцыю прыйшоў ананімны ліст зь Мёрскага раёну. Аўтар ліста пісаў пра апазыцыянэра Віктара Шульгу, які дзеля прынцыпу адмовіўся выконваць рашэньне партыі аб байкоце прэзыдэнцкіх выбараў у 2015 годзе.
Аляксей Гаўруціўкаў пацярпеў ад цэнзуры дyбровенскай газэты
Віцебскі незалежны кандыдат у дэпутаты абласнога савету ня змог скарыстацца сваім правам надрукаваць агітацыйныя матэрыялы ў дубровенскай раённай газэце. У гэтым яму адмовіла рэдактарка дзяржаўнага выданьня. І ЦВК у адказе на скаргу Аляксея Гаўруцікава падтрымаў гэтую пазыцыю, маўляў, “мае права адмовіць”.
Віцебскі аблвыканкам цікавіцца сябрамі Беларускай асацыяцыі журналістаў
Аддзел ідэалёгіі Віцебскага аблвыканкаму праінфармаваў рэдакцыі мясцовых газэтаў, хто з супрацоўнікаў зьяўляецца сябрам БАЖ, а хто толькі зьбіраецца ўступіць у «непажаданую» арганізацыю. Асобных журналістаў выклікалі ў аблвыканкам для тлумачэньняў наконт сяброўства ў ГА «Беларуская асацыяцыя журналістаў». Калегі сышліся на думцы, што няйнакш гэтая цікаўнасьць зьвязаная з будучымі выбарамі.
Кіраўнікоў прадпрыемстваў выхвасталі за няўвагу да крытыкі ў дзяржаўнай прэсе
Шэраг кіраўнікоў прадпрыемстваў і арганізацыяў Віцебскай вобласьці прыцягнутыя да адказнасьці за парушэньне патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі”. Факты парушэньняў выяўленыя Камітэтам дзяржкантролю падчас правядзеньня кантрольных мерапрыемстваў.
«Витебские вести» не заўважылі актыўнасьці палітычных партыяў
Абласная газэта “Витебские вести” падвяла вынікі этапу фармаваньня тэрытарыяльных выбарчых камісіяў. І паведаміла чытачам, што “на сёньняшні дзень актыўнасьць палітычных партыяў ледзьве заўважная”, бо з партыйцаў “у склад камісіяў увайшло 17 чалавек, або каля 1%, у тым ліку 13 сябраў КПБ”. Газэта не палічыла патрэбным патлумачыць, што “ўвайшлі” – гэта ня значыць “хацелі ўвайсьці”, і што ад апазыцыйных партыяў былі прэтэндэнты на ўдзел у камісіях, якіх туды папросту не ўключылі.
Працаўнікоў «Нафтану» змушаюць падпісвацца на афіцыйныя газэты
Загад пра гэта выдаў намесьнік дырэктара прадпрыемства па ідэалягічнай працы Сяргей Брыкун. Яго копію ў рэдакцыю charter97.org даслаў адзін з чытачоў. «Згодна з адношаньнем гарадзкога выканаўчага камітэту і распараджэньнем дырэктара заводу “Палімір” ААТ “Нафтан” А.В. Жэбіна, неабходна арганізаваць індывідуальную падпіску на першае паўгодзьдзе 2014 году ў адпаведнасьці з дадаткам, зьвярнуўшы асаблівую ўвагу на арганізацыю падпіскі сярод кіраўнікоў усіх узроўняў, уключаючы структурныя падразьдзяленьні», - гаворыцца ў загадзе.