Заводу не ўдалося закрыць Свабодны прафсаюз
Дырэкцыя ААТ «Полацак-Шкловалакно» паспрабавала была зьняць з рэгістрацыі ў органах улады заводзкую першасную арганізацыю Свабоднага прафсаюзу. Але задуманае не ажыцьцявілася: закрыць Свабодны прафсаюз на прадпрыемстве не ўдалося.
У Полацку забаранілі штогадовую акцыю прафсаюзу «За годную працу»
Свабоднаму прафсаюзу заводу «Шкловалакно» полацкі райвыканкам забараніў правядзеньне пікету 7 кастрычніка ў Міжнародны дзень барацьбы за годную працу. Дэмакратычныя прафсаюзы Беларусі ў гэты дзень традыцыйна арганізуюць розныя мерапрыемствы з патрабаваньнем годных умоваў працы, павышэньня заробку і гарантаваных працоўных месцаў.
Новалукомаль: актывісты СПБ зьбіраюцца ехаць у Менск на мітынг
Незалежныя прафсаюзы плянуюць правесьці 7 кастрычніка ў розных гарадох Беларусі шэраг акцыяў, прысьвечаных Міжнароднаму дню барацьбы за годную працу. Аднак акцыі пройдуць ня ўсюды. У Новалукомлі рабочыя мясцовай ДРЭС, якія належаць да свабоднага прафсаюзу, вырашылі ня ладзіць публічных мерапрыемстваў у горадзе, а зьбіраюцца далучыцца да мітынгу ў Менску, калі акцыю прафсаюзаў дазволяць сталічныя ўлады.
Палачане зьбіраюць сродкі на крыж у Курапатах
Грамадзкія актывісты Полацку пачалі збор грошай на выраб і ўсталяваньне драўлянага крыжа ў мэмарыяле Курапаты пад Менскам, дзе ляжаць расстраляныя беларускія ахвяры сталінскага тэрору. Ініцыятыва была агучаная полацкімі актывістамі 8 верасьня на сьвяткаваньні Дня беларускага славы. Збор сродкаў ідзе як гатоўкай, так і пералікам на рахунак Свабоднага прафсаюзу рабочых заводу «Шкловалакно».
Сябры Свабоднага прафсаюзу ў Полацку знаходзяцца пад пагрозай звальненьня
Пад пагрозай звальненьня апынуліся ўсе сябры Свабоднага прафсаюзу на прадпрыемстве «Полацак-Шкловалакно». Год таму было прынятае рашэньне, каб чальцам Cвабоднага прафсаюзу не плаціць сяброўскія складкі праз заводзкую бухгальтэрыю, каб не паказваць прафсаюзны актыў.
Дзяржорган заступіўся за прафсаюзнага лідэра і гатовы аштрафаваць «Шкловалакно» на $5000
Аддзел прымусовага выкананьня судовых рашэньняў папярэдзіў ААТ «Полацак-Шкловалакно», што яно падвергнецца штрафу, калі працягне перашкаджаць старшыню мясцовай суполкі Свабоднага прафсаюзу наведваць цэхі.
Генпракуратура ня стала разглядаць па сутнасьці скаргу Свабоднага прафсаюзу
Генэральная пракуратура не пажадала бясплатна разглядаць скаргу Свабоднага прафсаюзу Беларускага (СПБ) на парушэньне правоў і свабод рабочых полацкага заводу «Шкловалакно». Начальнік аддзелу па наглядзе за выкананьнем правоў і свабод грамадзян Марына Папова прапанавала прафсаюзу заплаціць пошліну ў 2 базавыя велічыні - тады генэральная пракуратура, мабыць, зробіць ласку разгледзець скаргу па сутнасьці.
Віцебскі абласны суд нічым не дапамог полацкаму прафсаюзнаму актывісту
Калегія Віцебскага абласнога суду 8 жніўня пакінула бязь зьменаў пастанову Полацкага суду ад 23 чэрвеня 2016 году, які прызнаў законным звальненьне памочніка майстра цэху №7 ААТ «Полацак-Шкловалакно», намесьніка старшыні рэспубліканскага Свабоднага прафсаюзу Беларускага Міколы Шараха.
Разьвіцьцю працоўнага заканадаўства замінаюць наймальнікі, урад і старыя прафсаюзы
Бурныя дэбаты прайшлі ў Менску 18 траўня ў Міністэрстве працы, дзе адбылося паседжаньне Рады па ўдасканаленьні працоўнага заканадаўства. Праўрадавыя ўдзельнікі паседжаньня адмовіліся абмяркоўваць зьмены ў пэнсійным заканадаўстве і агульнае пагаршэньне правоў працоўных у Беларусі. Палачанін, намесьнік старшыні Свабоднага прафсаюзу Беларускага (СПБ) Мікола Шарах як сябра згаданай рады распавёў нашаму карэспандэнту пра хаду паседжаньня.
У Полацку судзілі прафсаюзных лідэраў
Полацкі суд 16 траўня пастанавіў аштрафаваць актывістаў Свабоднага прафсаюзу Віктара Стукава і Міколу Шараха за правядзеньне прафсаюзнай акцыі ў выглядзе пікетаваньня. Памер штрафу склаў адпаведна 25 і 30 базавых велічынь.