Каля дзвюх гадзін ён быў вымушаны правесці ў аддзеле міліцыі Чыгуначнага раёну. Потым затрыманага адпусцілі, але ягоны тэлефон застаўся «у палоне», як сам Сяргей Серабро напісаў на сваёй старонцы ў Фэйсбуку.

Пры спробе зайсці на сайт «Народныя навіны Віцебска» з Беларусі з'яўляецца паведамленне аб тым, што доступ да іх абмежаваны «на падставе рашэння Міністэрства інфармацыі». Прычына блакавання не ўдакладняецца. У падобным стане апынуўся і сайт віцебскі праваабарончы сайт «Віцебская вясна».

Рэдактар «Народных навінаў Віцебску» Сяржук Серабро напісаў артыкул « На Дзьвіне ў Віцебску пачалася паводка, ці затопіць разводзьдзе Залатую рыбку на набярэжнай?» і аздобіў тэкст уласнымі фотаздымкамі. Пасьля таго, як артыкул — дарэчы, без аніякіх спасылак на аўтарства — трапіў у сацыяльную сетку «УКантакце», журналіст атрымаў спачатку прапановы выдаліць адно фота, а потым паведамленьне пра заяву ў міліцыю.

Пра тое, што нельга «апранаць бел-чырвона-белае» і залазіць на ялінку на плошчы Перамогі, а таксама – што вітаць Дзеда Мароза і Сьнягурку можна толькі дзяржаўнымі сымбалямі і атрыбутыкай, распрацаванай для гэтых мэтаў гарвыканкамам, было напісана на сайце «Народныя навіны Віцебска» ў артыкуле пра арганізацыю сьвяткаваньняў каля галоўнай гарадзкой ёлкі.

Рэдактар сайту «Народныя навіны Віцебска» Сяржук Серабро распавёў, што пасьля зьяўленьня на сайце тэксту “Bluefilters: альхімія продажаў фільтраў для вады ўтрыдорага» на яго пачаўся ціск. Артыкул выйшаў 13 сьнежня мінулага году. У тэксьце падрабязна апісана, як карэспандэнт запрасіў рэалізатараў фільтраў да сябе дахаты, а потым распавёў пра гэты візыт і пра іх мэтады пераконваць пакупнікоў у высокай якасьці тавару.

Званьне “Чалавек году Віцебску” ў 2008 годзе заснавала рэдакцыя незалежнага сайту “Народныя навіны Віцебска”. Ігар Пастноў намінуецца ўжо другі год запар, і ў першы ж дзень галасаваньня ён стаў лідэрам па колькасьці галасоў. Галасаваньне на сайце пачалося ў абед 4 студзеня, і на 21:00 за Ігара Пастнова прагаласавалі 48 чалавек – гэта найбольшая колькасьць галасоў, аддадзеная за аднаго намінанта.

Ігар Пастноў заключыў дамову з адвакатам на складаньне касацыйнай скаргі на рашэньне суду Віцебскага раёну. Адвакат складзе скаргу пасьля дэталёвага знаёмства з рашэньнем судзьдзі Тацьцяны Дзегцяровай, вывучэньня акалічнасьцяў судовага працэсу, на якім не было ні самога Пастнова, ні яго абаронцы, а толькі судзьдзя і намесьнік галоўурача віцебскага абласнога псыхіятрычнага шпіталя спадар Панамароў. Потым ён завязе касацыйную скаргу на подпіс да Ігара Паснова, які ўжо больш за тыдзень утрымліваецца ў псыхіятрычным шпіталі.

Непрыемны інцыдэнт адбыўся 5 ліпеня з галоўным рэдактарам і фотакарэспандэнтам інтэрнэт-газэты “Народныя навіны Віцебска” Сяргеем Серабро. Напярэдадні журналіст рыхтаваў фотарэпартаж аб наступствах моцнай залевы, якая прайшла ў Віцебску. У прыватнасьці, яго зацікавіла яма, якая ўтварылася ў самым цэнтры гораду, насупраць гандлёвага цэнтру “Марка-сіці”. Каля правалу працавала група будаўнікоў. Раптам адзін зь іх пачаў паводзіць сябе, мякка кажучы, дзіўна.

Сярод сёлетніх ляўрэатаў прэстыжнага конкурсу прафэсійнай мэдыя-фатаграфіі “Прэс-фота Беларусі” ёсьць рэдактар штодзённай інтэрнэт-газэты “Народныя навіны Віцебска” Сяржук Серабро. Ён заняў першае месца ў намінацыі “Навіны” з сэрыяй фотаздымкаў, якія былі зробленыя падчас суду над вядомым дэмакратычным актывістам Сяргеем Каваленкам.

Згодна з вынікамі галасаваньня, якое праводзіла інтэрнэт-выданьне “Народныя навіны Віцебска”, Чалавекам году Віцебску-2012 абралі Любоў Кавалёву — маці асуджанага за тэракт у менскім мэтро і растралянага ў сакавіку 2012 году Ўладзіслава Кавалёва. Гэтая жанчына не пакінула змагацца за свайго сына і пасьля выкананьня прысуду. Зараз яна дамагаецца выдачы цела растралянага Ўладзіслава Кавалёва, дагэтуль ёй вярнулі нават ня ўсе яго асабістыя рэчы.