Суд Заводзкага раёну Менску задаволіў скаргу былой работніцы ААТ «Полацак-Шкловалакно» Алены Палаўчэні на незаконныя дзеяньні Міністэрства аховы здароўя.

Пазоўную заяву Алены Палаўчэні наконт выплаты кампэнсацыі за атрыманае прафзахворваньне на ААТ «Полацак-Шкловалакно» суд гораду Полацку пачаў разглядаць тры месяцы таму. 5 ліпеня было прынятае чарговае рашэньне пра прыпыненьне працэсу:  жанчыне прапанавана нанова прайсьці мэдычны агляд. Працаўніца зьбіраецца абскарджваць гэтае рашэньне, вынесенае судзьдзёй Ірынай Даротка.