Праваабаронца Павал Левінаў зьвярнуўся да сябраў Віцебскай абласной камісіі па выбарах прэзыдэнта з просьбай запрасіць на паседжаньне камісіі начальніка УУС аблвыканкаму Міхаіла Грыба, каб патлумачыў, на якіх падставах 31 траўня міліцыянты спрабавалі перашкодзіць выбарцам ставіць подпісы ў падтрымку прэтэндэнтаў у кандыдаты на прэзыдэнцтва.

Апублікавана ў Выбары

Падпалкоўнік паліцыі РФ у адстаўцы Андрэй Новікаў, які жыве зь сям’ёй у Пастаўскім раёне, накіраваў 22 траўня ў Віцебскі абласны суд скаргу на рашэньне Пастаўскага райсуду, што аштрафаваў яго на 810 рублёў за інтэрвію блогеру Ціханоўскаму. Суд палічыў гэта ўдзелам у несанкцыянаваным пікетаваньні (арт. 23.34 КаАП).

Апублікавана ў Рознае

Суд Браслаўскага раёна аштрафаваў жыхара Браслава на 270 рублёў, прызнаўшы яго вінаватым у паклёпе на супрацоўніка РАУС. Справу на браслаўчаніна завялі пасьля таго, як ён паскардзіўся на супрацоўніка міліцыі ў тэрытарыяльнае ўпраўленьне ўласнай бясьпекі МУС, паведамляе афіцыйны сайт УУС Віцебскага аблвыканкаму.

Полацкі міжраённы аддзел сьледчага камітэту адмовіўся распачынаць крымінальную справу па заяве полацкага блогера Рамана Ляўкоўскага (Geibal). У заяве блогер сьцьвярджаў, што ў кастрычніку 2019 году супрацоўнікі міліцыі зьдзекаваліся зь яго маральна і фізычна – душылі, пагражалі «засунуць фалас» і «абасцаць»…

Апублікавана ў Свабода слова

12 лістапада ў судзе Першамайскага раёну Віцебску скончыўся працэс па “наркатычным” артыкуле 328 КК. Чатырох фігурантаў справы прызналі вінаватымі ў распаўсюдзе наркотыкаў у складзе арганізаванай злачыннай групоўкі. Былы лейтэнант міліцыі Іваноў прысуджаны да 13 гадоў зьняволеньня.

Апублікавана ў Суд

Блогер Раман Ляўкоўскі (Geibal) апублікаваў відэаролік, у якім расказвае, як яго катавалі ў полацкай міліцыі. Загадалі разьдзецца да майткоў, душылі, пагражалі ўжыць дручок, “засунуць фалас” і г.д. Усё дзеля таго, каб хлопец разблякаваў тэлефон, зь якога міліцыянты выдалілі некаторыя відэаролікі.

Апублікавана ў Затрыманьні

У судзе Першамайскага раёну Віцебску 28 жніўня пачаўся чарговы працэс па “наркатычным” артыкуле 328 КК. На лаўцы падсудных – чатыры чалавекі, якіх абвінавачваюць у распаўсюдзе наркотыкаў у складзе арганізаванай групы. Адзін зь іх – былы міліцыянт са Шклова…

Апублікавана ў Суд

У 2019 годзе ў Віцебскай вобласьці завялі 13 крымінальных справаў паводле арт. 364 КК РБ па фактах гвалту альбо пагрозаў яго прымяненьня ў дачыненьні да супрацоўнікаў міліцыі. Колькасьць справаў за гвалт над міліцыяй павялічылася ў параўнаньні з аналягічным леташнім пэрыядам больш чым у тры разы.

Апублікавана ў Рознае

Мужчына даведаўся, што аштрафаваны за “расьпіцьцё алькаголю” на аршанскім вакзале толькі тады, калі ў дачыненьні да яго распачалі выканаўчае справаводзтва. Паведаміў у пракуратуру, што проста фізычна ня мог учыніць правапарушэньне, бо знаходзіўся на момант складаньня пратаколу за паўтысячы кілямэтраў ад Воршы. Пастановы суду і міліцыі – скасаваныя.

Суд Браслаўскага раёну разгледзеў справу аб адміністрацыйным правапарушэньні жыхара вёскі Рубеж, на якога быў складзены пратакол за незаконнае нашэньне міліцэйскай формы. Суд аштрафаваў вяскоўца на 7 базавых велічынь, паведамляе прэс-служба Вярхоўнага суду Рэспублікі Беларусь.