Пэнсіянэрка і сябра БСДП (“Грамада”) Антаніна Піванос жыве на першым паверсе старой хрушчоўкі на вуліцы Чкалава ў Віцебску. Калі даведалася, што ў падвале дому будуць труціць блох, зьвярнулася з просьбай пратэставаць атрутнае рэчыва, бо пакутуе на алергію. Але супрацоўнікі ЖЭУ-19 праігнаравалі просьбу жанчыны, у выніку здарыўся канфлікт.

Апублікавана ў Карная псыхіятрыя

Апазыцыянэр і віцебскі “фарпост свабоды” Барыс Хамайда, каардынатарка аргкамітэту БХД у Віцебску Тацяна Севярынец, сябра рады Руху “За Свабоду” Хрыстафор Жаляпаў, паэт і перакладчык Уладзімер Папковіч ды іншыя расказалі “Віцебскай вясьне”, што азначае асабіста для іх 100-гадовы юбілей Беларускай Народнай Рэспублікі.

Апублікавана ў Свабода слова

У кастрычніку 2017 году ўлады не дазволілі жыхарцы Віцебску Антаніне Піванос правесьці ў горадзе пікеты з вышываньнем украінскай сымболікі. Падставай для забароны стала адсутнасьць дамоваў з ЖКГ, УУС і ўпраўленьня аховы здароўя аб абслугоўваньні пікету. 71-гадовая жанчына паспрабавала пазьней заключыць такія дамовы – нічога не атрымалася…

Апублікавана ў Мірныя сходы

Пэнсіянэрка Антаніна Піванос меркавала зладзіць публічнае вышываньне ўкраінскай сымболікі і адначасна даць людзям праўдзівую інфармацыю пра падзеі ва Ўкраіне. Заявы аб правядзеньні пікетаваньняў дасылала ў адміністрацыі ўсіх трох раёнаў Віцебску, але адусюль атрымала адмовы.

Апублікавана ў Акцыі

Разглядаючы касацыйную скаргу, судзьдзі калегіі па грамадзянскіх справах Віцебскага абласнога суду адмовіліся даць жыхарцы Віцебску, ураджэнцы Ўкраіны і ўкраінцы па нацыянальнасьці Антаніне Піванос магчымасьць скарыстацца перакладчыкам.

Апублікавана ў Дыскрымінацыя

Віцебская актывістка Антаніна Піванос працягвае змагацца за тое, каб дзяржаўныя ворганы Беларусі пачалі выконваць рашэньне Камітэту па правох чалавека ААН, прынятае ў адносінах да яе. Цяпер справу разглядаў абласны суд, куды яны накіравала касацыйную скаргу на пастанову суду Чыгуначнага раёну. Аднак пераканаць судзьдзяў абласнога суду не ўдалося: яны пакінулі рашэньне суду першай інстанцыю ў сіле.

Апублікавана ў Суд

17 траўня ў судзе Чыгуначнага раёну Віцебску завяршылася разьбіральніцтва па справе з цалкам прадказальным вынікам. Мяркуйце самі: звычайная пэнсіянэрка падала пазоў на кампэнсацыю калісьці канфіскаванай у яе вышыўкі. Але гэтая простая справа звычайнай віцебскай пэнсіянэркі можа мець для Беларусі ня толькі палітычны, але і велізарны эканамічны эфэкт. Бо за сьпіной у пэнсіянэркі стаіць ня толькі праўда, але і Камітэт па правох чалавека ААН.

Апублікавана ў Суд

Віцебская актывістка Антаніна Піванос працягвае сваё змаганьне ў судзе за тое, каб дзяржава выканала рашэньне Камітэту ААН па правох чалавека ў дачыненьні да яе. У адрозьненьне ад першага паседжаньня, што праходзіла пяцьцю днямі раней, 30 красавіка ў суд прыйшоў таксама прадстаўнік адказчыка – галоўнага ўпраўленьня Міністэрства фінансаў Рэспублікі Беларусь па Віцебскай вобласьці.

Апублікавана ў Суд

У судзе Чыгуначнага раёну Віцебску адбылося папярэдняе судовае паседжаньне па грамадзянскім пазове Антаніны Піванос супраць галоўнага ўпраўленьня Міністэрства фінансаў Рэспублікі Беларусь па Віцебскай вобласьці. Актывістка патрабуе, каб, у адпаведнасьці з рашэньнем КПЧ ААН, ёй выплацілі грашовую кампэнсацыю маёмасьці, якая была канфіскаваная ў яе 25 сакавіка 2008 году, а таксама вярнулі суму штрафу, якім яе пакаралі незаконна.

Апублікавана ў Суд

Падчас сёлетняга сьвяткаваньня Дня Волі Антаніна Піванос нарэшце змагла ўручыць падарунак віцебскаму распаўсюдніку незалежнай прэсы Барысу Хамайду. Габэлен, на якім актывістка вышыла словы малітвы «Ойча наш», падобны да габэлену, які яна зьбіралася падарыць спадару Хамайду яшчэ ў 2008 годзе, на 90-я ўгодкі абвяшчэньня незалежнасьці БНР. Але тады спроба зрабіць гэта аказалася няўдалай: Антаніну Піванос схапілі міліцыянты, габэлен адабралі, а саму актывістку судзілі нібыта за парушэньне закону «Аб масавых мерапрыемствах у Рэспубліцы Беларусь».

Апублікавана ў Рознае
Старонка 1 з 2