Па версіі суду С. «вясной 2021 года пагадзіўся «працаваць» закладчыкам у адной з інтэрнэт-крам для продажу наркатычных сродкаў і псіхатропных рэчываў на тэрыторыі гарадоў Віцебску і Полацку».

За сваю працу ён нібыта атрымліваў грашовую ўзнагароду. Падчас затрымання пры ім, а таксама ў месцах размяшчэння «закладак», былі знойдзены забароненыя да абароту наркатычныя рэчывы ў памеры 14-грамаў. На судзе хлопец не стаў адмаўляць, што атрымліваў грашовую ўзнагароду за раскладванне забароненых псіхатропаў, аднак адмовіўся ад здзяйснення дадзенага злачынства ў складзе арганізаванай групы.

Не пагадзіўшыся з вердыктам суду Першамайскага раёну С. разам са сваім адвакатам, патрабуючы перагляду прысуду, падаў апеляцыйную скаргу ў абласны суд. Аднак абласны суд не падтрымаў ягоныя довады і пакінуў прысуд без зменаў, а скаргу – без задавальнення.

Такім чынам, прысуд набыў законную моц.

Варта нагадаць, што крымінальная адказнасць у Беларусі надыходзіць толькі з 16-гадовага ўзросту. Толькі за некаторыя віды злачынстваў, напрыклад, за забойствы, надыходзіць адказнасць з 14-гадовага ўзросту. За незаконны абарот наркотыкаў таксама адказнасць надыходзіць з 14 гадоў. Але толькі ў выпадку, калі мэтай з'яўляецца іх збыт.

Яўген Князеў