Справу Аксаны Міхасёнак разглядала судзьдзя Алена Цыганкова. Паводле судовай пастановы, якая ўжо набыла законную моц, 3 траўня Аксана ўзяла ўдзел у несанкцыянаваным пікетаваньні без адпаведнага дазволу мясцовых органаў улады – «з мэтай публічнага выказваньня грамадзка-палітычных інтарэсаў і пратэстаў».
На судзе Аксана Міхасёнак з пратаколам не згадзілася і паведаміла, што ані ў якім пікетаваньні ня ўдзельнічала. Расказала, што прайшла разам зь сябрам літаральна некалькі дзясяткаў мэтраў. На пляцоўцы каля ГЦ «Марка-сіці», дзе людзі кармілі галубоў, дзяўчыны ўжо не было, аб чым сьведчылі міліцэйскія відэаздымкі, якія былі прыкладзеныя да справы ў якасьці доказу вінаватасьці.
Але гэты факт не пераканаў судзьдзю Цыганкову – яна прызнала віцебскую таксістку вінаватай у парушэньні заканадаўства аб масавых мерапрыемствах (ч.1 арт. 23.34 КаАП) і аштрафавала яе на 20 базавых велічынь (540 рублёў).
Зьміцер Міраш
Камэнтуйце гэтую навіну на нашай старонцы ў facebook!