Следчы камітэт пачаў «спецыяльную вытворчасць» у дачыненні да былога пастаўскага прадпрымальніка
Супраць Ігара Парункевіча распачатая крымінальная справа па трох артыкулах КК — аб распальванні варожасці, абразе Лукашэнкі і гвалце або пагрозе прымянення гвалту ў дачыненні да міліцыянта (артыкулы 130, 368 і 364 Крымінальнага Кодэкса). Праз свой Тэлекграм-канал «Специальное производство. Официально» следчы камітэт прапануе Парункевічу з'явіцца ў мінскае абласное ўпраўленне свайго ведамства. Але малады чалавек даўно пакінуў Беларусь, зразумеўшы, што яму не даруюць дапамогу фонду салідарнасці By_Help. Якраз таму супраць яго і распачатая «спецыяльная вытворчасць», калі чалавека прыцягваюць да судовай адказнасці завочна – без асабістай прысутнасці на працэсе.
Былому начальніку наваполацкай міліцыі вынеслі прысуд за гвалт у адносінах да супрацоўніка ДАІ
Судья суду Расонскага раёна Алена Ялавая 16 студзеня прысудзіла былому начальніку Наваполацкага ГАУС Уладзіміру Дуброўскаму 2,5 года «хіміі». Ён абвінавачваўся ў супраціве супрацоўніку міліцыі, спалучаным з ужываннем гвалту па ч. 2 арт. 363 Крымінальнага кодэкса.
За абразу міліцыянтаў суд пакараў жыхара Віцебска пазбаўленнем волі і буйным штрафам
Суддзя суда Першамайскага раёна Віцебска Міхаіл Юрчанка 29 студзеня прызнаў вінаватым Дзмітрыя Палякова ў абразе прадстаўнікоў ўлады ў сувязі з выкананнем імі службовых абавязкаў, і на падставе арт.369 КК прызначыў мужчыну пакаранне ў выглядзе пазбаўлення волі на тэрмін у 1,5 года з адбываннем пакарання ў папраўчым калоніі ва ўмовах агульнага рэжыму са штрафам у памеры 4000 рублёў. Акрамя таго, Зміцер павінен выплаціць кампенсацыю маральнай шкоды на карысць траіх пацярпелых міліцыянтаў на агульную суму 5500 рублёў.
Уладзімір Булаўскі: “Не забываем пра сваіх!”
Віцебскага актывіста і культурнага мэнэджара Булаўскага 26 траўня 2023 года суд пакараў двумя гадамі калоніі ва ўмовах агульнага рэжыму паводле арт. 342-2 КК (Неаднаразовае парушэнне парадку арганізацыі або правядзення масавых мерапрыемстваў). У чэрвені, таго ж года, улады ўнеслі палітвязня ў "спіс экстрэмістаў". Зараз ён адбывае крымінальны прысуд ў бабруйскай калёніі №2.
Віцебскі тэлеграм-канал, блізкі да сілавікоў, заклікае каяцца за зробленыя данаты
На Тэлеграм-канале “Северная столица” апошнім часам пачалі з’яўляцца агітацыйная відэаролікі з заклікамі пакаяцца за данаты “экстрэмісцкім арганізацыям”, у якіх фігуруюць асобы са схаванымі тварамі. Пад відэазапіс гэтыя людзі каюцца ў зробленым і расказваюць, што “добраахвотна”, “каб загладзіць сваю віну”, пералічваюць грошы віцебскаму дзіцячаму дому. Стваральнікі відэаролікаў сцвярджаюць, што добраахвотная яўка да сілавікоў у сукупнасці з пакаяльным відэа і пералічваннем сродкаў “ у якасці прабачэння” гарантуюць грамадзянам “свабоду і чыстае сумленне”. Што тут не так?
Жыхара Лёзненскага раёна асудзілі да трох гадоў зняволення за абразу Лукашэнкі і прадстаўнікоў улады
Былога «афганца» Уладзіміра Лісіцу асудзіў суддзя Лёзненскага раёна Аляксей Лапушанскі, судовы працэс распачаўся 19 снежня мінулага года. Паводле судовага выраку, спадар Лісіца мае адбыць тры гады ў папраўчай калоніі ва ўмовах агульнага рэжыму, а таксама сплаціць 7 400 рублёў штрафу і кампенсацыю маральнай школы двум пазоўнікам – Генеральнаму пракурору Рэспублікі Беларусь А. Шведу і дэпутату Наваполацкага гарадскога Савета дэпутатаў І. Мядзведскаму – па 3 000 рублёў кожнаму.
Жыхар Віцебскага раёна пакараны зняволеннем і штрафам. Ён абразіў прадстаўнікоў улады
Суддя суду Віцебскага раёна Міхаіл Зубеня 6 снежня за абразу прадстаўніка ўлады пазбавіў волі на адзін год і шэсць месяцаў 38-гадовага Сяргея Зайцава. Акрамя таго Зайцаў павінен выплаціць штраф у даход дзяржавы ў памеры 3700 рублёў.
Каб абараніць палітвязня Алеся Бяляцкага адвакаты падалі петыцыю ў Працоўную групу ААН па адвольных затрыманнях
Міжнародная юрыдычная група лаўрэата Нобелеўскай прэміі міру, палітзняволенага праваабаронцы Алеся Бяляцкага падала петыцыю ў Працоўную групу ААН па адвольных затрыманнях. 3 сакавіка 2023 году Бяляцкага пакаралі 10 гадамі пазбаўлення волі. З моманту арышту ў ліпені 2021 году Бяляцкі мае вельмі абмежаваныя зносіны са сваёй сямʼёй, адвакатам і навакольным светам.
Да 10 гадоў пазбаўлення волі за няправільнае выкарыстанне піратэхнікі
Браслаўская міліцыя перад каляднымі і навагоднімі святамі пужае жыхароў пакараннем за няправільнае выкарыстанне піратэхнікі.
Жыхара Віцебскага раёна, асуджанага за абразу прадстаўніка ўлады, уключылі ў «Спіс экстрэмістаў»
Жыхар аграгарадка Альгова Васіль Шчука трапіў пад увагу сілавікоў сёлета ў сакавіку: яго асудзілі да арышту за падпіскі на так званыя «экстрэмісцкія» інфармацыйныя рэсурсы. Пасля арышту ен выйшаў на волю, аднак ягоны тэлефон быў перададзены ў Следчы камітэт, і, паводле зместу ягоных сацыяльных сетак, супраць 38-гадовага Васіля Шчукі распачалі крымінальную справу за абразу прадстаўніка ўлады паводле арт. 369.