Полацкі райвыканкам апавясьціў Свабодны прафсаюз працоўных заводу «Шкловалакно» пра забарону масавага мерапрыемства. Празь пікет сябры прафсаюзу мелі намер інфармаваць грамадзян пра Сусьветны дзень дзеяньняў за годную працу 7 кастрычніка і заявіць патрабаваньне рабочых.

Суполка Свабоднага прафсаюзу на полацкім «Шкловалакне» стала непажаданай структурай ня толькі для кіраўніцтва прадпрыемства. Да ліку перасьледнікаў актыўна далучыліся мясцовыя ўлады, міліцыя. Па дапамогу ў ліквідацыі пяршоўкі намесьнік старшыні Полацкага райвыканкаму Пётар Пяткевіч зьвярнуўся ў адміністрацыю прэзыдэнта і да полацкай дэпутаткі Палаты прадстаўнікоў, старшыні камісіі па заканадаўстве Натальлі Гуйвік.

Доўг у больш як 2000 рублёў выставіла ЖКГ жыхарцы Полацку Тахміне Міхайлавай як запазычанасьць за арэнду кватэры за тры гады. Хаця жанчына ўвесь час плаціла па ўсіх рахунках, і дагэтуль прэтэнзіяў да яе па аплаце не было.

Полацкі райвыканкам забараніў праводзіць мітынг на плошчы гораду 26 сакавіка а 12-й гадзіне. Заяўку на мерапрыемства падаваў жыхар гораду Яўген Парчынскі. Пра адмову задаволіць заяўку чыноўнікі райвыканкаму паведамілі Яўгену наўпрост у залі выканкаму падчас разгляду гэтай заяўкі. Пісьмовая забарона выдадзеная Парчынскаму за подпісам намесьніка старшыні райвыканкаму.