Больш за 2000 рублёў запазычанасьці, якая ўтварылася за тры гады, павінна выплаціць полацкай ЖКГ Тахміна Міхайлава за тое, што работнікі РКЦ няправільна аформілі статус яе кватэры ў 2014 годзе, зрабіўшы памылку ў разьліку. Такое рашэньне вынесла полацкая судзьдзя Аксана Мішута 12 сакавіка. Цяпер рашэньне набыло моц, і з заробку Міхайлавай, які складае каля 400 рублёў, на карысьць ЖКГ будуць утрымліваць 20% паводле выканаўчага ліста.