Яго затрымалі пасля вяртання з Мінска, дзе Вярхоўны суд разглядаў справу аб ліквідацыі Свабоднага профсаюза Беларускага. З вялікай верагоднасццю прафсаюз быў закрыты. Але затрыманаму кіраўніку арганізацыі паведамілі, што судовае рашэнне яму вышлюць на электронную пошту.

13 кастрычніка на полацкага старшыню кантрольна-рэвізійнай камісіі Свабоднага прафсаюзу Беларускага (СПБ) Віктара Стукава супрацоўнік Полацкага РАУС Віктар Кураш склаў пратакол аб адміністрацыйным правапарушэнні. На думку міліцыі, Стукаў распаўсюджваў у інтэрнэце экстрэмісцкія матэрыялы. Абвінавачанні яму выставілі завочна, бо меркаваны правапарушальнік у аддзяленне міліцыі для складання пратаколу не прыйшоў.

Адміністрацыя ААТ «Полацак-Шкловалакно» не дапушчае прадстаўніка Свабоднага прафсаюзу Беларускага ў камісію па вядзеньні калектыўных перамоваў. Але Дэпартамэнт дзяржаўнай інспэкцыі працы лічыць, што наймальнік правоў працоўных на калектыўныя перамовы не парушае.

У Полацку 7 кастрычніка меўся адбыцца пікет, прымеркаваны да Сусьветнага дня барацьбы за годную працу, але арганізатары вымушаныя былі яго адмяніць. За абслугоўваньне пікету, заяўку на правядзеньне якога падавалі двое жыхароў Полацку зь ініцыятывы Свабоднага прафсаюзу, ЖКГ запатрабавала аж 2 тыс. 20 рублёў…

Ад пачатку верасьня Полацкая падатковая інспэкцыя пачала праяўляць надзвычайную цікавасьць да першаснай арганізацыі Свабоднага прафсаюзу Беларускага работнікаў ААТ “Полацак-Шкловалакно”. Падатковая інспэкцыя вельмі хоча здабыць зьвесткі аб службовых асобах пяршоўкі СПБ.

Эканамічны суд Віцебскай вобласьці 28 жніўня пастанавіў аштрафаваць Свабодны прафсаюз Беларускі (СПБ) на 10 базавых велічынь за невыкананьне рашэньня гэтага ж суду аб вызваленьні памяшканьня прафсаюзнага офісу на прадпрыемстве “Полацак-Шкловалакно”.

Камісія па нацыянальнай бясьпецы Палаты прадстаўнікоў прыняла прапанову Свабоднага прафсаюзу Беларускага (СПБ) абараніць на заканадаўчым узроўні інфармацыю аб сяброўстве працоўных у прафсаюзах. Пра гэта ў электронным лісьце на імя старшыні СПБ Міколы Шараха паведаміла дэпутатка ПП НС Натальля Гуйвік.

Свабодны прафсаюз Беларускі атрымаў афіцыйны адказ ад кіраўніцтва ААТ “Полацак-Шкловалакно” на просьбу патлумачыць, чаму на стэндзе, які знаходзіцца на прахадной заводу, забараняюць разьмяшчаць прафсаюзныя ўлёткі. Усё проста: ячэйкі стэнду ўжо занятыя і “выкарыстоўваюцца для гаспадарчай дзейнасьці…”

Полацкі аддзел прымусовага выкананьня даслаў Свабоднаму прафсаюзу Беларускаму (СПБ) паўторны наказ, каб той вызваліў памяшканьне, якое належыць ААТ “Полацак-Шкловалакно”. Але памяшканьне, у якім знаходзіўся офіс СПБ, прафсаюз вызваліў яшчэ ў красавіку 2019 году – на ўваходзе ў памяшканьне вісіць замок арэндадаўцы. У чым справа?..

Днямі на прахадной заводу адбыўся скандал. Начальнік аховы прадпрыемства ААТ “Полацак-Шкловалакно” забараніў прадстаўнікам Свабоднага прафсаюзу Беларускага вывешваць інфармацыйны ліст на стэнд для грамадзкіх арганізацыяў, піша сайт “Свабодны прафсаюз – Полацак”.