У Віцебску напярэдадні 131-х угодкаў Марка Шагала адчынілася выстава, прысьвечаная ягонай жонцы – “Бэла Шагал. Партрэт жонкі мастака”. Аўтарскую экскурсію па выставе, якая экспануецца зараз у Арт-цэнтры Марка Шагала, правяла 8 ліпеня куратар праекту Людміла Хмяльніцкая.

У Віцебску гісторык Алесь Пашкевіч, выдавец Валер Булгакаў і паэт-перакладчык Уладзімер Папковіч правялі лекцыю «Савецкія партызаны ў Беларусі: міты і рэчаіснасьць». Асноўная частка сустрэчы, што прайшла 14 чэрвеня, была прысьвечаная прэзэнтацыі кнігі з падобнай назвай: «Савецкія партызаны ў 1941-1944 гг. Міты і рэчаіснасьць».

На пачатку красавіка быў абвешчаны збор подпісаў пад пэтыцыяй супраць усталяваньня ў Віцебску помніка княгіні Вользе. Аўтары калектыўнага звароту назвалі 7 прычын, чаму гэты помнік будзе недарэчным у абласным цэнтры. 17 траўня атрымалі адказ: падставаў, каб адмовіцца ад праекту, няма.

Як высьветлілася, людзей, якія захапляюцца кнігамі Ўладзімера Арлова, у абласным цэнтры шмат. Перапоўненая заля ледзь магла зьмясьціць усіх прыхільнікаў творчасьці вядомага беларускага пісьменьніка, паэта і гісторыка.

У межах сьвяткаваньня 100-гадовага юбілею абвяшчэньня Беларускай Народнай Рэспублікі ў Эўрапейскім клюбе прайшла лекцыя менскага гісторыка Анатоля Сідарэвіча «Вытокі беларускай дзяржаўнасьці». Паслухаць гісторыю ўзьнікненьня БНР прыйшлі палітычныя актывісты гораду і шараговыя месьцічы.

Пабачыў сьвет пяты нумар гістарычнага альманаху “Віцебскі сшытак”. Сьвежы нумар часопіса зьявіўся пасьля 17-гадовага перапынку, але здолеў захаваць пераемнасьць. Галоўнай тэмай “Віцебскага сшытку” №5 сталі шляхецкія рэзыдэнцыі Віцебшчыны. У чацьвер, 23 лістапада, новы альманах прэзэнтавала ў Віцебскай абласной бібліятэцы нязьменная яго рэдактарка Людміла Хмяльніцкая.

Калі касьцёл будзе ссунуты хоць на мэтар ад сваіх гістарычных падмуркаў – гэта ўжо аніяк ня будзе стасавацца з аўтэнтыкай і нічым ня будзе адрозьнівацца ад псэўдааднаўленьняў кшталту менскай гасьцініцы “Эўропа” ды ідэі “аднаўленьня” Сафійскага сабору ў Віцебску, мяркуюць спэцыялісты Беларускага добраахвотнага таварыства аховы помнікаў гісторыі і культуры.

Старшыня Віцебскай абласной арганізацыі партыі БНФ Канстанцін Смолікаў зьвярнуўся з скаргай да пракурора Віцебску Юрыя Раманоўскага. Скарга скіраваная супраць меркаванага будаўніцтва Палацу ўрачыстых абрадаў у зоне гісторыка-культурнай каштоўнасьці “Былы Ніжні замак гораду Віцебску”.

Апошнім часам практыка ўсталяваньня ў Віцебску супярэчлівых з гістарычнага пункту гледжаньня помнікаў праяўляецца выразна. Гарадзкія ўлады адкрыта ігнаруюць меркаваньні месьцічаў і не прыслухоўваюцца да парадаў адмыслоўцаў. Горад пакрысе засьмечваецца дзіўнымі скульптурамі.

У нядаўна адкрытай краме сувэнірнай прадукцыі «Вітаўт» вакаліст гурту Dzieciuki Алесь Дзянісаў зладзіў прэзэнтацыю новага музычнага альбому «Кароткая гісторыя Беларусі», які быў запісаны на словы сьляпога паэта са Скідзелю (Гарадзенская вобласьць) Алеся Чобата.