Сустрэча віцебчукоў з удзельнікам прэзыдэнцкай кампаніі 2010 году Алесем Міхалевічам, што адбылася ў Эўрапейскім клюбе ў чацьвер, 24 студзеня, была крыху нязвыклай для гэткага кшталту імпрэзаў. Рэч у тым, што першую частку размовы палітык пабудаваў выключна на сваіх уражаньнях ад падарожжаў па Эўропе.

16 кастрычніка віцебчукі мелі добрую магчымасьць паўдзельнічаць у анансаваным праз сацыяльныя сеткі дыялёгу "Беларускі дом у эўрапейскім квартале". У Віцебск завіталі намесьнік пасла Літоўскай Рэспублікі ў Беларусі Данатас Аўгуліс і консул эстонскай амбасады ў Менску Кадры Лутт.

15 траўня ў арт-прасторы VZAP прайшоў сэмінар «Міграцыя на пальцах», праведзены Беларускай праваабарончай арганізацыяй Human constanta. Асноўнымі напрамкамі дзейнасьці арганізацыі зьяўляюцца супрацьдзеяньне дыскрымінацыі, правы і свабоды ў лічбавую эпоху, фундамэнтальныя правы ўцекачоў і мігрантаў. Менавіта дзякуючы сваёй працы з уцекачамі Human constanta атрымала найбольшую вядомасьць.

16 верасьня у Віцебску прайшла партыйная школа руху “За свабоду”. Удзельнікі навучаньня праслухалі прамову кіраўніка руху Юрася Губарэвіча ды выступы адмыслоўцаў, што да працы актывістаў руху са СМІ і ў сацыяльных сетках падчас мясцовых выбараў, якія, як мяркуецца, адбудуцца ў Беларусі 18 лютага 2018 году.

Двор арт-прасторы на Талстога, 7 быў на цэлы дзень аддадзены музыкам, народным майстрам, гандлярам кнігамі. Традыцыйны фэстываль літаратуры і музыкі «Барадулінкі» прайшоў у Віцебску 25 чэрвеня.

Кожны грамадзянін нашай краіны можа паўдзельнічаць у вырашэньні праблемы ўцекачоў. Праблемы, якая яшчэ нядаўна здавалася для нас неактуальнай. Але глябалізацыя не пакідае ў баку і Беларусь.

Аляксандар Лукашэнка разьлічвае, што арышт ксяндза Лазара прымусіць Ватыкан «адкрыць» Эўропу беларускаму рэжыму. Такое меркаваньне выказаў палітвязень Павал Севярынец, камэнтуючы абвінавачваньне ксяндза Лазара ў здрадзе дзяржаве: «Для сёньняшняга рэжыму царква ў цэлым - гэта чужая сіла і пагроза. А кошт тых абвінавачаньняў, якія фабрыкуюцца ў турме КДБ, мы добра ведаем і ня верым ні сьледзтву, ні працэсам у духу сталінскіх часоў».

Віцебскі актывіст Кансэрватыўна-хрысьціянскай партыі — БНФ Сяргей Каваленка мяркуе: камітэт па правох чалавека ААН не падтрымаў яго скаргу, таму што “Захад дэградуе”. “Эўропа адмовілася ад сваіх нацыянальных і хрысьціянскіх каштоўнасьцяў, менавіта таму ў ААН мяне не падтрымалі”, — так пракамэнтаваў Каваленка адмову Камітэту па правох чалавека (КПЧ) ААН прызнаць факты парушэньня беларускай дзяржавай яго грамадзянскіх і палітычных правоў.